54
List Kataj tan kacolche'n ẍchik'ab kacontr
1 Wajcaw, ilu' inRyosil.
Chin cole'u' tan yi teru' ẍchamilu'.
Chin cole'u' tan yi teru' poreru'.
2 Na cu' inwutz teru' Ta', na ilu' inRyosil.
Tbite'u' intzi' inkul. Tbite'u' yi wajbil.
3 Na ja je' chimolol quib yi e' wunak yi na cyocsaj quib nim tu cyajtza'kl tan oyintzi' swe'j.
Nin yi cyajbil i'tz tan imbiyle'n cu'n.
Yi e'a's siquier nin najk cyek ẍchi'u'.
4 Poro ilu' inRyosil. At ninu' tan wuch'eye'n.
Nin quil tak'u' ama'l scyetz tan imbiyle'n cu'n.
5 Nin stk'e'u' chicaws yi e'a'tz.
Nin e' te'n chibaj tc'u'l yi e'chk takle'n yi ja baj chitxumul swe'j.
Wajcaw, che' xit cu'nu' yi e' incontra'tz, na ba'n k'uke' inc'u'l te'ju' yi list atitu' tan wuch'eye'n.
6 Ej nin ko ya'tz, swak'e' intx'ixwatz teru'.
Nin swak'e' k'eju', na chumbalaj nin ilu'.
7 Na ja chinclax tanu' tk'ab cyakil yi e'chk sotzaj c'u'lal.
Nin ja che'l cu'n cyakil incontr tanu' swutz.