Tai Dam ꞌKha‑ꞌla‑tia 1

Baư sư ꞌtan Pôn tẻm pay ha ꞌpi ꞌnọng

nẳng tỉnh ꞌKha‑ꞌla‑tia

1 Khỏi ꞌchư Pôn, pên ꞌlam ꞌchạư páo kháo Chảu ꞌGiê‑ꞌsu ꞌKha‑ꞌlịt, báu#ꞌmen phủ ꞌcốn téng, ꞌcọ báu#ꞌmen ꞌdọn phủ ꞌcốn ꞌlưạk#au, ꞌmen Chảu ꞌGiê‑ꞌsu ꞌKha‑ꞌlịt cắp Chảu Pua ꞌPhạ pên ꞌPo phủ au Chảu ꞌGiê‑ꞌsu tai ꞌlẹo ꞌcứn ꞌhéng ꞌmá ꞌnặn, 2 ꞌtếng#cá ꞌpi ꞌnọng cuông ꞌhôm ꞌngáu Chảu ꞌGiê‑ꞌsu dú ꞌtoi khỏi#ꞌnị, ꞌmí sư ꞌmá ha ꞌpứng mốt ꞌsúm ꞌhốm Chảu ꞌGiê‑ꞌsu dú nẳng tỉnh ꞌKha‑ꞌla‑tia. 3 Khỏi đé so Chảu Pua ꞌPhạ phủ pên ꞌPo cắp ꞌGiê‑ꞌsu ꞌKha‑ꞌlịt Chảu Chom ꞌsúm ꞌháu phớng ꞌdứa hảư ꞌpi ꞌnọng đảy công ꞌphún, dú súc sáng bang#chaư. 4 Chảu ꞌGiê‑ꞌsu ꞌKha‑ꞌlịt ꞌchịu ꞌváng sia ꞌchua tháy au báp ꞌsội ꞌsúm#ꞌháu, ꞌpưa ꞌchoi ꞌháu đảy ók khói sia pang ꞌlới ꞌcốn ác ꞌhại ꞌkhạy#ꞌnị, ꞌtoi chaư Chảu Pua ꞌPhạ phủ pên ꞌPo#ꞌháu. 5 ꞌChư siêng ꞌhung ꞌhướng so hảư pên khong ꞌTan chảu ꞌmứa nả ꞌlới#ꞌlới, ꞌa‑ꞌmen.

ꞌMí ꞌcốn é pỉn kháo ꞌhung saư Chảu ꞌKha‑ꞌlịt sia

6 ꞌDọn công ꞌphún Chảu ꞌKha‑ꞌlịt, Chảu Pua ꞌPhạ chắng ꞌhiạk au ꞌpi ꞌnọng ꞌmá pên ꞌcốn ꞌTan#chảu. ꞌKhạy ꞌpi ꞌnọng ꞌphạo ꞌváng sia ꞌTan chảu pay ꞌtoi kháo ꞌtáng ứn ꞌhiạk#ꞌva pên kháo ꞌhung#saư, khỏi ꞌcọ hên pên lák#ꞌhêng. 7 Kháo ứn ꞌnặn báu#ꞌmen kháo ꞌhung saư cá#đaư, hák#ꞌva ꞌmí ꞌsán ꞌcốn ꞌdệt hảư ꞌpi ꞌnọng nhủng#chaư, sau é pỉn kháo ꞌhung saư Chảu ꞌKha‑ꞌlịt sia. 8 Báu#ꞌva ꞌsúm khỏi ꞌhứ#ꞌva tiên ꞌchạư ꞌmá té#ꞌphạ, phủ đaư ꞌmá páo ꞌhiạk#ꞌva kháo ꞌhung saư ăn báu#ꞌmen ꞌnéo ꞌsúm khỏi đảy páo hảư ꞌpi ꞌnọng ꞌlẹo#ꞌnặn, hảư báp ꞌsội tốc sáư phủ#ꞌnặn. 9 ꞌSúm khỏi đảy ꞌvạu#ꞌlẹo, ꞌkhạy khỏi so ꞌvạu ꞌlau#máư, phủ đaư ꞌmá páo ꞌhiạk#ꞌva kháo ꞌhung saư hảư ꞌpi ꞌnọng#ꞌphắng, hák báu#ꞌmen ꞌnéo ꞌpi ꞌnọng đảy nhẳn au ꞌlẹo#ꞌnặn, hảư báp ꞌsội tốc sáư phủ#ꞌnặn. 10 Khỏi tẻm ꞌmá#ꞌnị, báu#ꞌmen ꞌdệt au chaư phủ#ꞌcốn, hák ꞌdệt hảư Chảu Pua ꞌPhạ sôm chaư#ꞌló. Khỏi báu#ꞌdệt ꞌnéo ꞌchí sôm chaư phủ ꞌcốn cá#đaư, ꞌva khỏi ꞌnhắng ꞌdệt ꞌcọ ꞌchí báu#pên phủ ꞌkhớng nả ꞌviạk Chảu ꞌKha‑ꞌlịt.

Chảu ꞌGiê‑ꞌsu ꞌlưạk ꞌtan Pôn pên ꞌlam ꞌchạư páo kháo

11 ꞌPi ꞌnọng ꞌhặc#ꞌpéng, khỏi é hảư ꞌpi ꞌnọng ꞌhụ#chắc, kháo ꞌhung saư khỏi đảy páo dai#ꞌnặn, báu#ꞌmen ók ꞌmá té phủ#ꞌcốn. 12 Khỏi báu#đảy nhẳn kháo ꞌnặn nẳng phủ#ꞌcốn, báu#ꞌmí phủ đaư#bók, ꞌmen Chảu ꞌGiê‑ꞌsu ꞌKha‑ꞌlịt bók hảư#khỏi. 13 ꞌPi ꞌnọng ꞌcọ đảy ꞌnghín#ꞌva, ꞌmưa ꞌchớ khỏi ꞌnhắng kin dú ꞌtoi ꞌluống ꞌtáng ꞌcốn#ꞌDiu, khỏi đảy ꞌnạp têng ꞌsúm ꞌhốm Chảu Pua ꞌPhạ ꞌhại ꞌhéng#ꞌhêng, é ꞌdệt hảư sau đắp#sia. 14 Khỏi pên phủ ꞌhụ ꞌluống ꞌtáng ꞌcốn ꞌDiu ꞌsứa sính ꞌcu lai ꞌcốn ꞌchựa ꞌphắn ꞌcốn ꞌDiu tuổi ꞌlụn điêu căn#ꞌnặn. Khỏi chắng ꞌhọn ꞌhún ꞌkhớng ꞌhịt ꞌkhóng ꞌchua pảu ꞌlới pú sứp tó căn#ꞌmá. 15 Hák#ꞌva ꞌdọn công ꞌphún Chảu Pua ꞌPhạ đảy ꞌlưạk au khỏi ꞌvạy té ꞌnhắng dú cuông ꞌtọng#ꞌếm, ꞌlẹo đảy ꞌhiạk au khỏi ꞌmá ꞌkhớng ꞌviạk ꞌTan#chảu. ꞌMưa ꞌTan chảu sôm#chaư, 16 hảư khỏi ꞌhụ chẻng cắp ꞌLụk ꞌchái ꞌTan#chảu, ꞌpưa páo kháo ꞌhung saư ꞌLụk ꞌchái ꞌTan chảu hảư ꞌcốn táng#ꞌphắn, ꞌviạk ꞌnị khỏi báu#đảy sô ꞌván cắp phủ#đaư. 17 Khỏi ꞌcọ báu#ꞌmứa ꞌpọ ꞌpứng phủ pên ꞌlam ꞌchạư páo kháo cón khỏi ꞌnặn dú ꞌmướng ꞌGiê‑ꞌlu‑ꞌsa‑ꞌlêm. Khỏi ꞌdiến pay cá ꞌmướng ꞌA‑ꞌla‑bia, ꞌlẹo ꞌcứn ꞌmứa cá ꞌmướng Đa‑ꞌma‑ꞌsê. 18 Té ꞌnặn ꞌmá đảy sam#pi, khỏi chắng ꞌmứa cá ꞌmướng ꞌGiê‑ꞌlu‑ꞌsa‑ꞌlêm ꞌpưa hảư quén ꞌtan Pê‑tô, ꞌdặng dú nẳng ꞌtan 15#ꞌmự. 19 Cai ꞌnặn khỏi báu#đảy ꞌpọ ꞌlam ꞌchạư páo kháo phủ#đaư, ꞌmí ꞌto ꞌpọ ꞌtan Da‑cô‑bô ꞌnọng ꞌchái Chảu ꞌGiê‑ꞌsu phủ#điêu. 20 Ăn khỏi tẻm sư ꞌmá hảư ꞌpi ꞌnọng#ꞌnị, Chảu Pua ꞌPhạ ꞌcọ ꞌhụ#ꞌva khỏi báu#đảy ꞌvạu#bẻo. 21 Lăng ꞌmá khỏi đảy pay ꞌmướng ꞌSi‑ꞌlia kéng ꞌmướng Ki‑ꞌli‑kia. 22 ꞌMưa ꞌchớ ꞌnặn ꞌpứng mốt ꞌsúm ꞌhốm Chảu ꞌGiê‑ꞌsu dú nẳng phén đin Du‑đai ꞌnhắng báu#ꞌhế đảy ꞌpọ#khỏi. 23 ꞌMí ꞌto sau đảy ꞌnghín ꞌviạk khỏi ꞌnạp têng#sau, ꞌkhạy ꞌmá pên ꞌcốn páo kháo ꞌhung saư ꞌluống ꞌtáng ꞌchưa Chảu ꞌGiê‑ꞌsu, ꞌchớ cón ꞌnặn khỏi ꞌkhới ꞌdệt hảư đắp#sia. 24 ꞌSướng ꞌnặn sau chắng sỏng ꞌnhó Chảu Pua ꞌPhạ ꞌpưa#khỏi.