Tai Dam ꞌKha‑ꞌla‑tia 3

Nhẳn Chảu Khuôn Saư ꞌdọn ꞌchưa kháo ꞌhung saư

1 ꞌCốn tỉnh ꞌKha‑ꞌla‑tia phủ bảư ꞌchạ báu#ꞌhụ ngắm#ꞌhới, ꞌsướng ꞌmí ꞌcốn ꞌdệt ꞌquám ꞌmăn sáư#su. ꞌViạk Chảu ꞌGiê‑ꞌsu ꞌKha‑ꞌlịt tai ꞌtếng ꞌmạy tháng khen ꞌnặn ꞌcọ bók hảư ꞌhụ chẻng ꞌsướng ta hên#ꞌlẹo. 2 Khỏi ꞌchí tham ꞌpi ꞌnọng khót#điêu: ꞌViạk ꞌpi ꞌnọng nhẳn Chảu Khuôn Saư ꞌnặn ꞌdọn#săng, ꞌdệt ꞌtoi ꞌluột ꞌláng Chảu Pua ꞌPhạ bók#ꞌvạy, ꞌhứ#ꞌva đảy ꞌnghín kháo ꞌhung saư Chảu ꞌGiê‑ꞌsu ꞌKha‑ꞌlịt ꞌlẹo#ꞌchưa? 3 ꞌMưa té ꞌkhoẹk ꞌpi ꞌnọng ꞌpơng inh Chảu Khuôn#Saư. ꞌKhạy ꞌchí ꞌmá ꞌpơng hứa ꞌhéng chảu hák ꞌdệt au hảư ꞌlẹo#ꞌnệ, ꞌsướng ꞌnặn ꞌpi ꞌnọng ꞌcọ bảư ꞌchạ#ꞌhêng. 4 ꞌViạk ꞌpi ꞌnọng đảy báp ꞌmo khó chaư lai ꞌnéo ꞌmá ꞌlẹo ꞌnặn ꞌcọ ꞌchí hảư sia pay ꞌlạ#ꞌnệ. ꞌVa pên ꞌnéo ꞌnặn ꞌcọ sia pay ꞌlạ#ꞌtẹ. 5 Chảu Pua ꞌPhạ sống Khuôn Saư ꞌlống ꞌmá hảư ꞌpi#ꞌnọng, ꞌlẹo ꞌdệt ꞌnéo lák cang ꞌpi ꞌnọng ꞌdọn#săng, ꞌdệt ꞌtoi ꞌluột ꞌláng Chảu Pua ꞌPhạ bók#ꞌvạy, ꞌhứ#ꞌva đảy ꞌnghín kháo ꞌhung saư Chảu ꞌGiê‑ꞌsu ꞌKha‑ꞌlịt ꞌlẹo#ꞌchưa?

6 Ngắm bớng pú Ắp‑ꞌla‑ꞌham ꞌmưa#ꞌláng. [ꞌSướng ꞌquám đảy tẻm ꞌchiến ꞌvạy#ꞌva], “Pú Ắp‑ꞌla‑ꞌham ꞌchưa Chảu Pua#ꞌPhạ, ꞌTan chảu chắng ꞌnặp pú pên ꞌcốn đi ꞌmí#ꞌmen.” 7 ꞌSướng ꞌnặn hảư ꞌpi ꞌnọng ꞌhụ#ꞌva, ꞌpứng phủ ꞌmí chaư ꞌchưa Chảu Pua ꞌPhạ ꞌnặn lỏ#ꞌnặp pên ꞌlụk lan pú Ắp‑ꞌla‑ꞌham. 8 ꞌPặp ꞌchiến ꞌquám Chảu Pua ꞌPhạ đảy tẻm ꞌvạy cón#ꞌva, ꞌTan chảu ꞌchí ꞌtứ ꞌcốn táng ꞌphắn pên ꞌcốn đi ꞌmí ꞌmen ꞌdọn ꞌchưa ꞌTan#chảu, chắng páo kháo ꞌhung saư hảư pú Ắp‑ꞌla‑ꞌham cón#ꞌva, ꞌTan chảu ꞌchí phớng ꞌdứa au ꞌchu ꞌphắn ꞌcốn ꞌdọn#pú. 9 ꞌSướng ꞌnặn phủ ꞌmí chaư ꞌchưa Chảu Pua#ꞌPhạ, ꞌTan chảu ꞌcọ đảy phớng ꞌdứa au cắp pú Ắp‑ꞌla‑ꞌham phủ ꞌmí chaư#ꞌchưa.

10 Phủ đaư hák ꞌpơng inh ꞌluống ꞌtáng ꞌdệt ꞌtoi ꞌluột ꞌláng Chảu Pua ꞌPhạ ꞌcọ ꞌchọ sáư#ꞌsội, ꞌsướng ꞌquám Chảu Pua ꞌPhạ đảy tẻm ꞌchiến ꞌvạy#ꞌva, “Phủ đaư báu#cứ chaư ꞌtoi ꞌchu khót ꞌquám đảy tẻm ꞌvạy nẳng ꞌpặp ꞌluột ꞌláng ꞌTan chảu ꞌcọ ꞌchí ꞌchọ sáư#ꞌsội.” 11 ꞌKhạy ꞌcọ ꞌhụ chẻng#ꞌlẹo, báu#ꞌmí phủ đaư ꞌchí đảy ꞌtứ pên ꞌcốn đi ꞌmí ꞌmen tó nả Chảu Pua ꞌPhạ ꞌdọn ꞌtoi ꞌluột ꞌláng ꞌTan#chảu, ꞌsướng ꞌquám ꞌTan chảu đảy tẻm ꞌchiến ꞌvạy#ꞌva, “ꞌCốn đi ꞌmí ꞌmen ꞌchí đảy ꞌmí ꞌchua ꞌlới dú ꞌdọn ꞌchưa ꞌTan#chảu.” 12 ꞌTáng ꞌluột ꞌláng ꞌnặn báu#ꞌpơng ꞌtáng ꞌchưa ꞌTan chảu cá#đaư, ꞌsướng ꞌquám ꞌluột ꞌláng đảy ꞌchiến ꞌvạy#ꞌva, “Phủ đaư ꞌdệt ꞌtoi ꞌpứng ꞌquám nẳng ꞌluột ꞌnị chắng ꞌchí ꞌmí ꞌchua ꞌlới dú ꞌtáng#ꞌluột.” 13 ꞌLuột Chảu Pua ꞌPhạ au ꞌsội sáư ꞌháu#ꞌnặn, Chảu ꞌKha‑ꞌlịt đảy tháy au ꞌsúm ꞌháu ók khói sia ꞌsội ꞌtáng ꞌluột#ꞌlẹo, ꞌTan chảu ꞌchịu au ꞌsội ꞌpưa#ꞌháu, ꞌsướng ꞌquám Chảu Pua ꞌPhạ đảy tẻm ꞌchiến ꞌvạy#ꞌva, “ꞌSội tốc sáư phủ chuốp teo nẳng co ꞌmạy” [ꞌtếng ꞌmạy tháng#khen]. 14 Chảu Pua ꞌPhạ phớng ꞌdứa hảư pú Ắp‑ꞌla‑ꞌham ꞌnặn chắng đảy phớng ꞌdứa pay ꞌhọt ꞌcốn táng ꞌphắn cuông ꞌhôm ꞌngáu Chảu ꞌGiê‑ꞌsu ꞌKha‑ꞌlịt, ꞌdọn ꞌháu ꞌchưa ꞌTan chảu ꞌháu chắng đảy nhẳn Chảu Khuôn Saư ꞌtoi ꞌquám chao#ꞌhẹn.

ꞌQuám Chảu Pua ꞌPhạ ꞌdệt nhẳn pao

15 ꞌPi ꞌnọng ꞌhặc ꞌpéng, khỏi so au ꞌquám ꞌcốn ꞌkhới ꞌtố căn ꞌmá ꞌvạu hảư ꞌpi ꞌnọng#ꞌphắng: ꞌSướng ꞌcốn ꞌháu đảy ꞌdệt chỉa nhẳn pao tốc ꞌlống ꞌquám chao ꞌhẹn căn#ꞌlẹo, báu#ꞌmí phủ đaư ꞌchí pỉn ꞌquám ꞌváng sia ꞌhứ#ꞌva tứm sáư#đảy. 16 ꞌQuám Chảu Pua ꞌPhạ chao ꞌhẹn hảư pú Ắp‑ꞌla‑ꞌham ꞌcọ ꞌsướng#ꞌnặn. ꞌTan chảu chao ꞌhẹn hảư pú kéng nó ꞌnéo khong#pú. Nó ꞌnéo ꞌnặn báu#đảy ꞌvạu ꞌhọt lai#ꞌcốn, ꞌvạu ꞌhọt ꞌto phủ#điêu, ꞌnặn lỏ#ꞌmen Chảu ꞌKha‑ꞌlịt. 17 ꞌSướng ꞌnặn khỏi chắng ꞌvạu#ꞌva, ꞌquám Chảu Pua ꞌPhạ ꞌdệt nhẳn pao hảư pú Ắp‑ꞌla‑ꞌham té cón#ꞌnặn, đảy chao ꞌhẹn#ꞌva báu#hảư ꞌlái ꞌluội#sia, lăng ꞌmá 430 pi đảy téng ꞌluột ꞌláng ꞌmá#máư, hák ꞌcọ ꞌchí báu#thỉm ꞌváng ꞌquám nhẳn pao đảy chao ꞌhẹn khong ꞌTan chảu ꞌnặn. 18 ꞌVa đảy ꞌnéo đi quí ꞌpéng nẳng Chảu Pua ꞌPhạ ꞌtáng ꞌluột#ꞌlẹo, ꞌcọ ꞌchí báu#ꞌcợn ꞌpơng ꞌquám ꞌTan chảu chao ꞌhẹn ꞌnặn#máư. Hák#ꞌva Chảu Pua ꞌPhạ đảy phớng ꞌdứa ꞌnéo đi ꞌnặn hảư pú Ắp‑ꞌla‑ꞌham ꞌtoi ꞌquám chao#ꞌhẹn.

19 ꞌVa ꞌnéo ꞌnặn Chảu Pua ꞌPhạ ꞌmí ꞌluột ꞌvạy ꞌdệt#săng? ꞌTan chảu đảy chao ꞌhẹn hảư pú Ắp‑ꞌla‑ꞌham ꞌlẹo, lăng ꞌmá ꞌTan chảu chắng tứm ꞌluột ꞌpưa hảư phủ ꞌcốn ꞌháu ꞌhụ hên ꞌviạk ꞌdệt phít pên ꞌnéo#đaư, ꞌtạu ꞌhọt Chảu ꞌKha‑ꞌlịt nó ꞌnéo pú Ắp‑ꞌla‑ꞌham phủ ꞌTan chảu chao ꞌhẹn ꞌnặn#ꞌmá. Té pang ꞌchạu ꞌnặn ꞌcọ ꞌmí tiên ꞌchạư Chảu Pua ꞌPhạ đảy tẳng ꞌluột hảư pú ꞌMô‑ꞌsê pên ꞌcốn song#cang. 20 ꞌVa ꞌmí phái#điêu, báu#ꞌcợn ꞌmí ꞌcốn song#cang. Chảu Pua ꞌPhạ phủ điêu ꞌnặn pên phủ chao#ꞌhẹn.

21 ꞌSướng ꞌnặn ꞌluột ꞌláng Chảu Pua ꞌPhạ khắt cắp ꞌquám ꞌTan chảu chao ꞌhẹn ꞌnặn ꞌsịn#a, báu#ꞌmen ꞌnéo ꞌnặn cá#đaư. ꞌVa ꞌmí ꞌluông đảy ꞌchua ꞌlới ꞌtáng ꞌluột#đaư, ꞌcọ ꞌchí pên ꞌcốn đi ꞌmí ꞌmen ꞌdọn ꞌdệt ꞌtoi ꞌluột ꞌnặn#ꞌtẹ. 22 Hák#ꞌva ꞌpặp ꞌchiến ꞌquám Chảu Pua ꞌPhạ đảy ꞌchiến ꞌvạy#ꞌva, ꞌcốn ꞌtua phén đin phaư ꞌcọ dú cỏng phép báp#ꞌsội. ꞌSướng ꞌnặn phủ đaư pông chaư ꞌchưa Chảu ꞌGiê‑ꞌsu ꞌKha‑ꞌlịt chắng ꞌchí đảy ꞌquám ꞌTan chảu chao ꞌhẹn#ꞌnặn. 23 ꞌChớ báu#ꞌhế ꞌhụ ꞌluống ꞌtáng ꞌchưa Chảu ꞌKha‑ꞌlịt ꞌnặn, ꞌháu dú cỏng phép ꞌluột Chảu Pua#ꞌPhạ, săng ꞌvạy ꞌsướng ꞌcốn ꞌtú ꞌtạu ꞌhọt ꞌTan chảu hảư ꞌháu ꞌhụ ꞌluống ꞌtáng#ꞌchưa. 24 ꞌSướng ꞌnặn ꞌluột Chảu Pua ꞌPhạ pên ꞌsướng phủ bớng đu ꞌháu ꞌtạu ꞌhọt Chảu ꞌKha‑ꞌlịt ꞌmá, ꞌpưa hảư ꞌháu đảy ꞌtứ pên ꞌcốn đi ꞌmí ꞌmen ꞌdọn ꞌháu ꞌchưa ꞌTan#chảu. 25 ꞌKhạy ꞌnị ꞌmí ꞌtáng ꞌchưa Chảu ꞌKha‑ꞌlịt, tó pay nả ꞌsúm ꞌháu báu#đảy dú cỏng phép ꞌluột bớng đu#ꞌlẹo. 26 ꞌPi ꞌnọng ꞌchu ꞌcốn pông chaư ꞌchưa Chảu ꞌGiê‑ꞌsu ꞌKha‑ꞌlịt, chắng đảy pên ꞌlụk Chảu Pua#ꞌPhạ. 27 ꞌPi ꞌnọng phủ đảy ꞌdệt ꞌhịt bắp‑ti‑sa‑ꞌma, ꞌmen đảy khảu ꞌhuôm Chảu ꞌKha‑ꞌlịt, ꞌchua ꞌlới ꞌháu ꞌcọ ꞌmen dú cuông ꞌhôm ꞌngáu Chảu ꞌKha‑ꞌlịt. 28 Báu#ꞌva ꞌcốn ꞌDiu ꞌhứ#ꞌva ꞌcốn Ca‑ꞌlịch, phủ pên khỏi ꞌhứ#ꞌva ꞌtứ#ꞌtang, phủ ꞌnhính ꞌhứ#ꞌva phủ#ꞌchái, ꞌpi ꞌnọng ꞌchu ꞌcốn phaư ꞌcọ pên mốt điêu căn cuông ꞌhôm ꞌngáu Chảu ꞌGiê‑ꞌsu ꞌKha‑ꞌlịt. 29 ꞌPi ꞌnọng pên ꞌcốn Chảu ꞌKha‑ꞌlịt, chắng ꞌnặp pên nó ꞌnéo pú Ắp‑ꞌla‑ꞌham, ꞌlẹo ꞌchí đảy ꞌnéo đi quí ꞌpéng ꞌtoi ꞌquám Chảu Pua ꞌPhạ chao ꞌhẹn ꞌnặn#lo.