Tai Dam ꞌKha‑ꞌla‑tia 5

Hảư mẳn chaư ꞌtoi ꞌluống ꞌtáng ꞌtứ ꞌtang

1 Chảu ꞌKha‑ꞌlịt tháy au ꞌsúm ꞌháu ꞌpưa hảư ꞌháu pên ꞌcốn ꞌtứ#ꞌtang. ꞌSướng ꞌnặn hảư dú mẳn ꞌtoi ꞌluống ꞌtáng ꞌTan#chảu, ꞌnhá ꞌpá ꞌmo chảu pay pên ꞌsướng ꞌcốn khỏi ꞌtọn#ꞌnớ.

2 ꞌPhắng hảư#đi, khỏi ꞌchư Pôn, so bók ꞌpi#ꞌnọng, ꞌva hák nhẳn ꞌdệt ꞌhịt tắt mai [khảu ꞌluống ꞌtáng ꞌcốn#ꞌDiu], Chảu ꞌKha‑ꞌlịt ꞌcọ ꞌchí báu#ꞌmí ꞌca săng cắp ꞌpi#ꞌnọng. 3 Khỏi so bók ꞌlau#máư, phủ đaư hák nhẳn ꞌdệt ꞌhịt tắt mai ꞌcọ ꞌchọ ꞌdệt ꞌtoi ꞌluột ꞌláng ꞌnặn mết ꞌchu#khót. 4 ꞌPứng chảu phủ đaư é đảy ꞌtứ pên ꞌcốn đi ꞌmí ꞌmen ꞌdọn ꞌluống ꞌtáng ꞌdệt ꞌtoi#ꞌluột, phủ ꞌnặn ꞌcọ đảy ꞌpá ꞌmo chảu tắt khát sia Chảu ꞌKha‑ꞌlịt, đảy lút ók sia công ꞌphún Chảu Pua ꞌPhạ phớng ꞌdứa hảư#ꞌnặn. 5 ꞌHáu lỏ#ꞌmí chaư ꞌchưa Chảu ꞌKha‑ꞌlịt, Chảu Khuôn Saư ꞌpá ꞌháu ꞌcóng thả đảy pên ꞌcốn đi ꞌmí ꞌmen ꞌsướng ꞌláng áo ꞌháu#ꞌnặn. 6 Dú ꞌhôm ꞌngáu Chảu ꞌGiê‑ꞌsu ꞌKha‑ꞌlịt, ꞌhịt tắt mai ꞌnặn ꞌdệt ꞌhứ báu#ꞌdệt ꞌcọ báu#ꞌmí ꞌca#săng, ꞌmí ꞌto chaư ꞌchưa ꞌnéo ꞌhụ ꞌhặc ꞌpéng#căn.

7 ꞌMưa cón ꞌpi ꞌnọng đảy ꞌtoi ꞌluống ꞌtáng ꞌchưa Chảu ꞌKha‑ꞌlịt ꞌsướng ꞌcốn ꞌlen khéng#dỏi. ꞌMen phaư đảy ꞌmá cẳn báu#hảư ꞌpi ꞌnọng ꞌphắng ꞌquám ꞌmen#ꞌtẹ. 8 ꞌViạk ꞌpá ꞌtuốn uôn chaư ꞌpi ꞌnọng ꞌnặn báu#ꞌmen ꞌmá té Chảu Pua ꞌPhạ phủ ꞌhiạk au ꞌpi ꞌnọng cá#đaư. 9 [ꞌCọ pên ꞌsướng ꞌquám ꞌchiến#ꞌva,] “ꞌChựa pẻng ꞌnọi#ꞌnưng au ꞌnuột sáư ꞌbột ꞌcọ bông khửn ꞌtếng#cỏn.”* 10 Hák#ꞌva ꞌGiê‑ꞌsu phủ pên Chảu Chom hảư khỏi mẳn chaư#ꞌva, ꞌsứ đaư ꞌpi ꞌnọng ꞌcọ ꞌchí báu#ngắm pay ꞌtáng ứn sia ꞌTan#chảu, ꞌlẹo phủ đaư hák bók son hảư ꞌpi ꞌnọng nhủng chaư#ꞌnặn, báu#ꞌva ꞌcốn#đaư, ꞌTan chảu ꞌcọ ꞌchí sáư#ꞌsội. 11 ꞌPi ꞌnọng ꞌhặc#ꞌpéng, ꞌva khỏi ꞌnhắng sứp tó páo hảư ꞌdệt ꞌhịt tắt#mai, ꞌchí báu#ꞌmí phaư ꞌnạp têng#khỏi. ꞌVa khỏi páo ꞌnéo#ꞌnặn, ꞌchí báu#ꞌmí phaư pớt ꞌchắng kháo ꞌviạk Chảu ꞌGiê‑ꞌsu ꞌchịu tai ꞌtếng ꞌmạy tháng#khen. 12 ꞌPứng ꞌcốn ꞌmá ꞌdệt hảư ꞌpi ꞌnọng nhủng#ꞌdạk, hảư sau ton chảu ꞌmo sau sia ꞌvén#đi.

13 ꞌPi ꞌnọng ꞌhặc ꞌpéng, Chảu Pua ꞌPhạ ꞌhiạk au ꞌpi ꞌnọng hảư pên ꞌcốn ꞌtứ#ꞌtang. Hák#ꞌva ꞌnhá đảy au ꞌviạk ꞌtứ ꞌtang ꞌnặn ꞌmá ảng ꞌváng ꞌmo pay ꞌtoi chaư cáu ꞌdệt ꞌnéo báp#ꞌsội. Hảư ꞌhặc ꞌpéng bớng đu ꞌchoi au#căn. 14 ꞌLuột Chảu Pua ꞌPhạ bók ꞌvạy ꞌnặn ꞌtếng#cá ꞌcọ ꞌhốm khảu pên khót#điêu: Hảư ꞌhặc ꞌpi ꞌnọng bản ꞌmướng ꞌsướng ꞌhặc ꞌlắm ꞌmo#chảu. 15 ꞌChự hảư#đi, ꞌnhá khả ꞌhộp khốp hua#căn, dản ꞌpi ꞌnọng ꞌchí ꞌpá căn đắp siêu sia#mết.

Hảư kin dú ꞌtoi ꞌluống ꞌtáng Chảu Khuôn Saư uôn ꞌpá

16 ꞌSướng ꞌnặn khỏi so bók#ꞌva, hảư kin dú ꞌtoi ꞌluống ꞌtáng Chảu Khuôn Saư uôn#ꞌpá, ꞌpi ꞌnọng chắng ꞌchí báu#ꞌdệt ꞌtoi chaư cáu ꞌmặc ꞌnéo ꞌhại#uối. 17 Chaư cáu ꞌluống báp ꞌsội khắt khin Chảu Khuôn#Saư, ꞌlẹo Chảu Khuôn Saư ꞌcọ khắt khin chaư cáu ꞌluống báp#ꞌsội. Song phái khắt ꞌchắng#căn, ꞌsướng ꞌnặn ꞌpi ꞌnọng é ꞌdệt ꞌtoi chaư chảu báu#đảy. 18 Hák#ꞌva ꞌpi ꞌnọng đảy Chảu Khuôn Saư uôn#ꞌpá, ꞌcọ báu#đảy dú cỏng phép ꞌluột#ꞌlẹo.†

19 ꞌNéo chaư cáu ꞌcốn ꞌmặc ꞌdệt ꞌnặn phaư ꞌcọ hák ꞌhụ#chẻng, ꞌsướng ꞌdệt phít ꞌviạk ꞌnhính#ꞌchái, ꞌdệt ꞌnéo báu#ꞌpẹk#saư, báu#pên#ꞌcốn, 20 vảy ꞌsớ ꞌthớn théng#pom, ꞌdệt ꞌmột#ꞌmốn, khắt ꞌchắng#căn, phít khỏng#căn, huông#hảm, ꞌhại#nhay, au ꞌto đảy#chảu, ꞌdệt ꞌcốn báu#ꞌmen#căn, béng phái căn#ók, 21 hơng ken#căn, ꞌmáu lảu ꞌmáu#ꞌké, kin cai tớc cai#lí, cắp ꞌpứng ꞌviạk ứn ꞌnéo ꞌnặn#máư. Khỏi ꞌchí tơn ꞌpi ꞌnọng ꞌsướng đảy bók ꞌmá#ꞌlẹo, phủ đaư ꞌmặc ꞌdệt ꞌsướng ꞌnặn ꞌchí báu#đảy khảu phén ꞌhôm ꞌngáu Chảu Pua#ꞌPhạ. 22 ꞌNéo Chảu Khuôn Saư ꞌpá kin dú ꞌnặn lỏ ꞌhặc#căn, ꞌmí chaư ꞌmuôn#ꞌmớng, kin dú ꞌmen#căn, ꞌmí chaư ứt dón, ꞌmí chaư phớng#ꞌdứa, chaư quảng sảng#ꞌdáo, ꞌchưa mốc ꞌchưa chaư#đảy, 23 chaư ón#van, ꞌhụ cứ ꞌmo#chảu. Báu#ꞌmí ꞌluột đaư hảm ꞌpứng ꞌviạk ꞌnéo#ꞌnặn. 24 Phaư pên ꞌcốn Chảu ꞌGiê‑ꞌsu ꞌKha‑ꞌlịt ꞌcọ đảy ꞌváng thỉm sia chaư cáu ꞌluống báp ꞌsội, báu#hảư ꞌnéo ꞌhại uối ꞌnặn khốm chaư ꞌháu#dú. 25 Chảu Khuôn Saư phớng ꞌdứa hảư ꞌháu pên ꞌcốn#máư, ꞌsướng ꞌnặn ꞌháu ꞌchọ kin dú ꞌtoi ꞌluống ꞌtáng Chảu Khuôn Saư uôn#ꞌpá. 26 ꞌHáu ꞌnhá đảy cảo nháư pháư#sung, ꞌnhá ꞌdệt hảư sia chaư#căn, ꞌnhá hơng ken#căn.

* 5:9 Mai bók hảư ꞌhụ#ꞌva, ꞌcốn ꞌmá bók ꞌtáng phít ꞌnọi#ꞌnưng, ꞌviạk phít ꞌnặn ꞌcọ ꞌchí ꞌpe quảng#ók. Bớng nẳng 1 Cô‑ꞌlin‑ꞌthô 5:6-8. † 5:18 Bớng nẳng Lôm 6:14.