Tai Dam ꞌMặt‑ꞌthai 23

Chảu ꞌGiê‑ꞌsu chê ꞌpứng phủ nháư ꞌcốn ꞌDiu

1 ꞌChớ ꞌnặn Chảu ꞌGiê‑ꞌsu bók ꞌcốn ꞌtếng#cá kéng mốt ꞌcốn ꞌtoi ꞌtáng ꞌTan chảu#ꞌva: 2 “ꞌPứng ꞌsáy bók ꞌluột ꞌláng ꞌtếng#cá phái ꞌPha‑ꞌli‑ꞌsai pên phủ téng son ꞌluột ꞌláng Chảu Pua ꞌPhạ sứp pú ꞌMô‑ꞌsê. 3 ꞌSướng ꞌnặn ꞌchu ꞌnéo sau bók ꞌpứng chảu ꞌcọ hảư ꞌdệt#ꞌtoi. Hák#ꞌva ꞌnhá ꞌdệt ꞌsướng#sau. Sau ꞌmí ꞌto ꞌvạu ꞌlạ hák báu#ꞌdệt. 4 Sau téng đa ꞌhịt ꞌkhóng sáư dên ꞌpay ꞌcặm na ꞌpá#nắc, hák sau lỏ ꞌto ꞌnịu ꞌmứ#ꞌnưng ꞌcọ báu#é ꞌpúa#ꞌchoi. 5 Sau ꞌdệt săng ꞌcọ ꞌdệt ảng phủ ꞌcốn ꞌlạ#thôi. Sủ#ꞌsướng, ꞌhộp sáư sư ꞌquám Chảu Pua ꞌPhạ ꞌmặt sáư nả đén ꞌcọ ꞌmặc ꞌdệt ꞌhộp#nháư, sửa ꞌhí sau ꞌcọ ꞌdệt ꞌpui ꞌhí#ók. 6 ꞌChớ kin ꞌtiệc sau ꞌcọ ꞌmặc ꞌnăng bón hua#ꞌpán. Khảu ꞌhướn ꞌsúm ꞌcọ ꞌmặc ꞌnăng ꞌtáng#nả. 7 Sau é hảư ꞌcốn ꞌtếng lai ꞌtặc ꞌcháo nẳng bón ꞌcốn ꞌmặc ꞌmá#ꞌhốm, sau ꞌmặc hảư ꞌcốn khék chảu#ꞌva pên ꞌsáy#ꞌpo.

8 ꞌPứng ꞌnọng lỏ pên ꞌpi pên ꞌnọng căn#mết, ꞌmí ꞌto ꞌsáy phủ#điêu. ꞌSướng ꞌnặn ꞌnhá hảư phaư khék ꞌpứng ꞌnọng ꞌhiạk#ꞌva pên ꞌsáy#ꞌpo. 9 ꞌPứng ꞌnọng ꞌmí ꞌto Chảu Pua ꞌPhạ phủ điêu dú ꞌmướng ꞌphạ pên Chảu#ꞌPo. ꞌSướng ꞌnặn ꞌnhá khék ꞌcốn ꞌmướng ꞌlum pên#ꞌpo. 10 ꞌPứng ꞌnọng ꞌmí ꞌto Chảu ꞌKha‑ꞌlịt phủ điêu pên#cốc. ꞌSướng ꞌnặn ꞌnhá hảư phaư khék ꞌpứng ꞌnọng ꞌhiạk#ꞌva pên#cốc. 11 Cuông ꞌpứng ꞌnọng phủ đaư pên ꞌcốn nháư ꞌsứa#mết, phủ ꞌnặn ꞌchí pên ꞌcốn ꞌchạư ꞌpứng#ꞌnọng. 12 Phủ đaư hák ꞌnhó chảu#khửn, phủ ꞌnặn ꞌchí ꞌchọ khốm#ꞌlống. Phủ đaư hák huốn chaư#ꞌlống, phủ ꞌnặn ꞌchí đảy ꞌnhó khửn#sung.”

Chảu ꞌGiê‑ꞌsu cáo ꞌtội sáư ꞌpứng phủ nháư nả ꞌsư chaư ꞌcột

13-14 Chảu ꞌGiê‑ꞌsu ꞌvạu máư ꞌva: “ꞌSội nắc ꞌchí tốc sáư ꞌpứng ꞌsáy bók ꞌluột ꞌláng kéng mốt ꞌcốn phái ꞌPha‑ꞌli‑ꞌsai, pên ꞌcốn nả ꞌsư chaư#ꞌcột. Su ꞌmặc cẳn ꞌtáng báu#hảư phaư khảu ꞌmá dú phén ꞌhôm ꞌngáu Chảu Pua#ꞌPhạ. Chảu ꞌmo su ꞌcọ báu#khảu, ꞌsặm#ꞌva ꞌnhắng hảm dên ꞌpay báu#hảư khảu#máư.

15 ꞌSội nắc ꞌchí tốc sáư ꞌpứng ꞌsáy bók ꞌluột ꞌláng kéng mốt ꞌcốn phái ꞌPha‑ꞌli‑ꞌsai, pên ꞌcốn nả ꞌsư chaư#ꞌcột. Su ꞌmặc ꞌtiếu pay ꞌtáng ꞌnặm ꞌtáng#bốc, ꞌpưa ꞌchí chướng ꞌchứa au phủ đaư phủ#ꞌnưng ꞌmá ꞌtoi ꞌtáng#su. Chướng ꞌchứa đảy ꞌlẹo ꞌchí ꞌdệt hảư phủ ꞌnặn ꞌmí ꞌtội đáng tốc khum ꞌpháy ꞌsứa ꞌcộp song ꞌto#su.

16 ꞌSội nắc ꞌchí tốc sáư su pên ꞌsướng phủ ta bót uôn#ꞌtáng. Su bók#ꞌva, phủ đaư ꞌchị sáư ꞌhướn vảy ꞌsớ Chảu Pua ꞌPhạ chao#mang, báu#ꞌdệt ꞌcọ báu#pên#săng. Hák#ꞌva phủ đaư phủ#ꞌnưng ꞌchị sáư piếng ꞌcắm nẳng ꞌhướn vảy#ꞌsớ, phủ ꞌnặn báu#ꞌdệt ꞌtoi ꞌquám đảy chao mang ꞌnặn báu#đảy. 17 Su pên ꞌcốn ꞌchạ chaư ꞌmựt ꞌmúa ꞌsướng ꞌcốn ta#bót. ꞌCắm báu#pên nháư ꞌsứa ꞌhướn vảy ꞌsớ cá#đaư. ꞌMí ꞌhướn vảy ꞌsớ chắng ꞌdệt hảư ꞌcắm ꞌnặn pên khong quí ꞌpéng ꞌvạy hảư Chảu Pua ꞌPhạ#ꞌló. 18 ꞌLẹo su ꞌnhắng bók#ꞌva, phủ đaư ꞌchị sáư ꞌpán ꞌsớ Chảu Pua ꞌPhạ chao#mang, báu#ꞌdệt ꞌcọ báu#pên#săng. Hák#ꞌva phủ đaư phủ#ꞌnưng ꞌchị sáư ꞌchương dú ꞌtếng ꞌpán#ꞌsớ, phủ ꞌnặn báu#ꞌdệt ꞌtoi ꞌquám đảy chao mang ꞌnặn báu#đảy. 19 Su pên ꞌcốn chaư ꞌmựt ꞌmúa ꞌsướng ꞌcốn ta#bót. ꞌChương ꞌsớ báu#pên nháư ꞌsứa ꞌpán ꞌsớ cá#đaư. ꞌMí ꞌpán ꞌsớ chắng ꞌdệt hảư ꞌchương ꞌnặn pên khong quí ꞌpéng ꞌvạy hảư Chảu Pua ꞌPhạ#ꞌló. 20 ꞌSướng ꞌnặn phủ đaư ꞌchị sáư ꞌpán ꞌsớ Chảu Pua ꞌPhạ ꞌmá chao#mang, ꞌcọ ꞌtứ#ꞌva phủ ꞌnặn ꞌchị sáư ꞌtếng#cá ꞌchương dú ꞌtếng ꞌpán#ꞌsớ. 21 Phủ đaư ꞌchị sáư ꞌhướn vảy ꞌsớ Chảu Pua ꞌPhạ ꞌmá chao#mang, ꞌcọ ꞌtứ#ꞌva phủ ꞌnặn ꞌchị sáư ꞌtếng#cá Chảu Pua ꞌPhạ phủ dú nẳng ꞌhướn vảy ꞌsớ#ꞌnặn. 22 Phủ đaư ꞌchị ꞌphạ chao#mang, ꞌcọ ꞌtứ#ꞌva phủ ꞌnặn ꞌchị sáư ꞌtến Chảu Pua ꞌPhạ ꞌtếng#cá ꞌTan chảu phủ ꞌnăng ꞌtến ꞌnặn#lo.

23 ꞌSội nắc ꞌchí tốc sáư ꞌpứng ꞌsáy bók ꞌluột ꞌláng kéng mốt ꞌcốn phái ꞌPha‑ꞌli‑ꞌsai, pên ꞌcốn nả ꞌsư chaư#ꞌcột. ꞌChương ꞌnéo ꞌnọi su ꞌcọ ꞌnhắng au 1 ꞌphớn 10 ꞌmá vảy ꞌsớ Chảu Pua#ꞌPhạ, au ꞌmá ꞌtếng#cá hom i#ꞌkím, hom#ꞌchí kéng hản#lương. Hák#ꞌva su lỏ#ꞌváng sia nả ꞌviạk nháư ꞌluột ꞌláng Chảu Pua ꞌPhạ đảy bók ꞌvạy#ꞌsướng, kin dú ꞌtoi ꞌluống#ꞌmen, ín đu ꞌhặc#căn, pên ꞌcốn ꞌchưa chaư#đảy. ꞌMen ꞌpứng nả ꞌviạk nháư ꞌnị#lo, su ꞌchọ ꞌdệt#ꞌtoi, ꞌlẹo ꞌpứng nả ꞌviạk 1 ꞌphớn 10 su ꞌdệt ꞌmá ꞌnặn ꞌcọ ꞌnhá ꞌváng#sia. 24 Su pên ꞌsướng phủ ta bót uôn#ꞌtáng. Ăn su ꞌdệt ꞌnặn pên ꞌsướng ꞌlọc ꞌnặm au ꞌméng ꞌnọi ók sia nẳng ꞌnặm#kin, hák lỏ#pên ꞌsướng cưn côm tô sắt#nháư.

25 ꞌSội nắc ꞌchí tốc sáư ꞌpứng ꞌsáy bók ꞌluột ꞌláng kéng mốt ꞌcốn phái ꞌPha‑ꞌli‑ꞌsai, pên ꞌcốn nả ꞌsư chaư#ꞌcột. Su ꞌmặc ꞌlạng cốc ꞌlạng le hảư ꞌpẹk ꞌtáng ꞌnọk#ꞌlạ, hák#ꞌva ꞌtáng cuông ꞌmí ꞌto ꞌmặc cướp au khong#sáu, ngắm au ꞌto đảy#chảu. 26 ꞌNéo ꞌcốn ꞌPha‑ꞌli‑ꞌsai chaư ꞌmựt ꞌmúa ꞌsướng ꞌcốn ta#bót, [cuông chaư pên ꞌsướng cốc le uối ꞌnặn#lo]. Hảư ꞌlạng ꞌtáng cuông ꞌpẹk#cón, ꞌlẹo ꞌtáng ꞌnọk hák ꞌchí ꞌpẹk saư ꞌsướng điêu căn#ꞌló.

27 ꞌSội nắc ꞌchí tốc sáư ꞌpứng ꞌsáy bók ꞌluột ꞌláng kéng mốt ꞌcốn phái ꞌPha‑ꞌli‑ꞌsai, pên ꞌcốn nả ꞌsư chaư#ꞌcột, ꞌsướng ꞌcú ꞌheo ꞌtá phon đón ꞌtáng ꞌnọk bớng ꞌchăn đi#lai, hák#ꞌva ꞌtáng cuông ꞌmí ꞌto ꞌco đúk ꞌcốn#tai, têm ꞌto ꞌnéo ꞌhại uối#mết. 28 Su ꞌcọ pên ꞌsướng ꞌnặn#lo, ꞌcốn ꞌtếng lai bớng su ꞌtáng ꞌnọk pên ꞌsướng phủ đi ꞌmí#ꞌmen, hák#ꞌva ꞌtáng cuông ꞌmí ꞌto nả ꞌsư chaư#ꞌcột, ꞌdệt ác báu#sú ꞌquám Chảu Pua#ꞌPhạ.

29 ꞌSội nắc ꞌchí tốc sáư ꞌpứng ꞌsáy bók ꞌluột ꞌláng kéng mốt ꞌcốn phái ꞌPha‑ꞌli‑ꞌsai, pên ꞌcốn nả ꞌsư chaư#ꞌcột. Su ꞌmặc say ꞌcú ꞌheo hảư ꞌpứng ꞌlam páo ꞌquám Chảu Pua#ꞌPhạ, ꞌmặc sảng ꞌpại ꞌchăn sáư ꞌcú ꞌheo ꞌpứng phủ đi ꞌmí ꞌmen. 30 ꞌLẹo su ꞌnhắng ꞌvạu#ꞌva, ‘ꞌPứng ꞌháu pên ꞌcốn ꞌmá té ꞌchua pảu ꞌlới#pú, hák#ꞌva ꞌchí báu#ꞌdệt ꞌtoi ꞌchua pảu pú nẳng nả ꞌviạk khả ꞌpứng ꞌlam páo ꞌquám Chảu Pua ꞌPhạ#ꞌnặn.’ 31 ꞌKhạy su ꞌvạu ꞌnặn lỏ#nhẳn pên ꞌchựa sai phủ đảy khả ꞌpứng ꞌlam páo ꞌquám Chảu Pua ꞌPhạ#ꞌnặn. 32 Phái#su, hảư su ꞌdệt ꞌtoi ꞌngươn ꞌhói báp ꞌsội pảu pú pang ꞌchạu đảy ꞌdệt ꞌnặn hảư ꞌmắn ꞌpó sia#ꞌí. 33 ꞌỐ, ꞌphắn ꞌcốn#ꞌngú, ꞌnéo ꞌngú ꞌhại#ꞌhới, su ngắm ꞌsứ đaư chắng ꞌva ꞌchí khói sia báp ꞌsội tốc khum ꞌpháy ꞌnặn#đảy.

34 ꞌPưa ꞌsướng ꞌnặn#lo ꞌháu chắng sống ꞌpứng ꞌlam páo ꞌquám Chảu Pua#ꞌPhạ, ꞌpứng ꞌcốn ꞌhụ phủ lắc kéng ꞌsáy bók ꞌluột#ꞌláng, ꞌmá bók#su. Phủ ꞌchí ꞌchọ su tók ꞌneng lếc sáư ꞌtếng ꞌmạy tháng khen ꞌhứ#ꞌva khả ꞌnéo ứn ꞌcọ#ꞌmí. Phủ ꞌchí ꞌchọ ꞌtặp ti nẳng ꞌhướn#ꞌsúm, ꞌchí ꞌchọ khốm têng sáo pắt té ꞌmướng ꞌnị ꞌhọt ꞌmướng ꞌnặn ꞌcọ#ꞌmí. 35 ꞌSướng ꞌnặn su ꞌchí pên phủ háp ꞌsội ꞌviạk khả phủ đi ꞌmí ꞌmen ꞌtếng#cá#mết, té ꞌtan ꞌA‑bên pang ꞌchạu phủ đi ꞌmí#ꞌmen, ꞌmá ꞌhọt ꞌtan ꞌSa‑ꞌkha‑ꞌlia ꞌlụk ꞌchái ꞌtan Bê‑ꞌlê‑kia, phủ ꞌchọ ꞌphắn ꞌcốn su khả sia nẳng váng cang ꞌhướn vảy ꞌsớ kéng ꞌpán#ꞌsớ. 36 ꞌHáu ꞌvạu ꞌsư hảư su#ꞌhụ, ꞌviạk ꞌchọ ꞌtội khả ꞌpứng ꞌcốn ꞌnặn ꞌchí tốc sáư pang ꞌlới ꞌcốn#su.”

Chảu ꞌGiê‑ꞌsu ꞌvuốn chaư hảư ꞌcốn ꞌmướng ꞌGiê‑ꞌlu‑ꞌsa‑ꞌlêm

37 Chảu ꞌGiê‑ꞌsu ꞌvạu máư ꞌva: “ꞌỐ ꞌmướng ꞌGiê‑ꞌlu‑ꞌsa‑ꞌlêm, ꞌcốn ꞌmướng ꞌGiê‑ꞌlu‑ꞌsa‑ꞌlêm ꞌhới, su khả ꞌpứng ꞌlam páo ꞌquám Chảu Pua#ꞌPhạ, ꞌlẹo ꞌnhắng au đán hin ꞌlếu sáư ꞌpứng phủ au ꞌquám Chảu Pua ꞌPhạ sống ꞌmá ha ꞌpứng#chảu. Báu#ꞌhụ chắc đảy kỉ ꞌtưa ꞌlẹo ꞌháu é ꞌhốm cót au su ꞌmá sú#ꞌháu, ꞌsướng ꞌme cáy cúc au ꞌpứng ꞌlụk ꞌmắn ꞌvạy cỏng#pík, hák#ꞌva su lỏ báu#sôm#chaư. 38 ꞌSướng ꞌnặn#lo, Chảu Pua ꞌPhạ ꞌchí ꞌváng ꞌhướn vảy ꞌsớ su ꞌnặn hảư ꞌhang#sia. 39 ꞌHáu bók hảư su#ꞌhụ, su ꞌchí báu#hên ꞌháu ꞌtạu ꞌhọt ꞌchớ đaư su ók sốp#ꞌva, so Chảu Pua ꞌPhạ phủ pên Chảu Chom au phúc hảư phủ ꞌmá tang nả Chảu Pua#ꞌPhạ.”