4
នើមនតីងក្លាៈ
1 ឞ្រាសហ្វេងអ្វែសលែៈមឞើសនហេលងាន់ជេស តានារជឹតនាប់តៃមរាគែសឞូនុយ្សអាបាៈមអារ់លើយនាវញឆីង យ៝រមាតឹងអ្យាត់នាវមរោសនទើមឞូនុយ្សអីតាៈឞើសឞ្រាសអ្យើស នទ្រែលមាតឹងអ្យាត់នាវនតុមនតីឞូនុយ្សអីតាៈឞើសឞ្រាសអ្យើសដ៝ង់។
2 ខាន់ពាង់អីឞូនុយ្សនតីនាវអីនៃគែសនូយ្សនហ៝ម់នទ៝ប់មពោនអីមោហោមឞ្លាវគឹតនាល់នទើអ្វែសនទើអ្យើស។
3 ខាន់ពាង់ឞ្វៃមោអ៝ន់តឹមឆ៝ៈអូរឆាយ ខាន់ពាង់មោអ៝ន់នទើឆាអាបាៈ យើនមាកោរាញឞ្រាសលែៈជេសញជេងត្រាវអីនៃ កើតនទ្រីមោច្រាវអោសមាផូងញឆីងអីលែៈគឹតនាល់នាវងាន់ឆោងឆាត្រាវអីនៃនអ៝ប់មានាវលាសអ្វែសកោរាញឞ្រាស។
4 ទឹងលែៈនទើឆោងឆាអីកោរាញឞ្រាសលែៈជេសញជេង ជេងអ្វែសទាទេ មោគែសអោសទូមល៝ម់មអារ់។ អ៝ន់ឆោងឆាមានាវលាសអ្វែសកោរាញឞ្រាស។
5 នាវងើយកោរាញឞ្រាសនើម នទ្រែលមានាវលាសអ្វែសកោរាញឞ្រាស ជាននទើឆោងឆាអ៝ន់ជេងលែៈអ្វែស។
ឞូនុយ្សជានការអ្វែសមាឞ្រាសក្រីសយេឆូ
6 លាសមៃនតុមនតីនាវអីអ្យាអ៝ន់មាផូងញឆីង មៃជេងឞូនុយ្សជានការអ្វែសងាន់អ៝ន់មាឞ្រាសក្រីសយេឆូ ជេងឞូនុយ្សអីគែសនហ៝ម់ឆ្វានតានូយ្សនហ៝ម់យ៝រមាញអោតន៝ប់នាវនតីមានាវញឆីងនាវនតីទី។ ជេសរីមៃលែៈអ្យាត់នាវនតីទីអីនៃ។
7 មៃលើយអ្យាត់អោសនអើនឞូងក៝ចតាៈឞើសកាល់អែអីមោគែសនាវខ្លៃមានាវញឆីង ដេៈក៝ៈមោអ្យាត់ដ៝ង់។ អ៝ន់មៃញឆ្រោយ្សនតីមាឆាក់មៃនើម គៃមាអ្យាត់ជានតឹងនាវកោរាញឞ្រាសលើមាអ៝ក់ហ៝ៈ។
8 លាសឞ៝ន់ញឆ្រោយ្សគៃមាគែសនហ៝ម់ឆ្វានទាង់គែសនាវខ្លៃអាបាៈទើម យើនមាលាសឞ៝ន់ញឆ្រោយ្សនតីមាឆាក់ឞ៝ន់នើម គៃមាអ្យាត់ជានតឹងនាវកោរាញឞ្រាស ឞ៝ន់ឆ៝ៈទើននាវគែសជេងកោរាញឞ្រាសអីពាង់លែៈត៝នជេសនោកឞ៝ន់រេសអាបៃអ្យា នទ្រែលមាត៝ត់ឞ៝ន់ទ៝ក់រេសតៃដ៝ង់។
9 នាវងើយអីនៃជេងទីងាន់ ជេសរីទីមាឆ៝ៈទើនដ៝ង់។
10 កើតនទ្រីទឹងឞ៝ន់ញឆ្រោយ្សជានការ [នទ្រែលមាឆ៝ៈទើននាវឞូមឺចរាម៝ត] យ៝រលាសឞ៝ន់គែសនាវញឆីងមាកោរាញឞ្រាសអីរេសងាន់។ ពាង់អុចរាក្លាយ្សមាទឹងលែៈឞូនុយ្ស យើនមាពាង់រាក្លាយ្សងាន់មាឞូនុយ្សអីញឆីងមាពាង់។
11 អ៝ន់មៃដាៈផូងញឆីង នទ្រែលមានតុមនតីនាវអីនៃមាខាន់ពាង់។
12 លើយអោសអ៝ន់ឞូមឺចមៃយ៝រមាមៃហោមក៝នឆែ យើនមាតានាវមឞើសងើយ តានាវគុងាវ តានាវរ៝ង់ តានាវញឆីង តានាវក្ល៝សអ្វែស អ៝ន់មៃលែវនាវអ្វែសមាលែៈរាងោចផូងញឆីង។
13 អ៝ន់គើយ្សរ៝ៈអ៝ន់នតែសនាវកោរាញឞ្រាសងើយអ៝ន់ឞូតាង់ គើយ្សនត្រោលឞូ នទ្រែលមាគើយ្សនតុមនតីឞូ នហ៝មាត៝ត់នារគ៝ប់ត៝ត់អាមៃ។
14 នោកផូងកោរាញផូងញឆីងមាឞ្រាសយេឆូក្រីស តេៈតីមឞើសឆើមមាមៃនើស គែសទូហ្វេឞូនុយ្សនតើយ្សនាវងើយកោរាញឞ្រាសមឞើសអ៝ន់មាមៃ នអ៝ប់មាកោរាញឞ្រាសអ៝ន់ទើមទាមមាមៃនាវទើយទូនតីលអីតាៈឞើសឞ្រាសហ្វេងអ្វែស។ លើយប្លាវអោសទ៝ង់នាវទើយអីនៃ។
15 អ៝ន់មៃជានកើតគ៝ប់លែៈដាៈអ្យា អ៝ន់លើមាហោញឆ្រោយ្សជឹតមានទើអីនៃ គៃមាទឹងលែៈឞូនុយ្សឆៃនាវញឆីងមៃលើមាហាវងាន់។
16 អ៝ន់មៃនើមញជ្រាង់ហ៝ម់មានាវគុងាវ នទ្រែលមាញជ្រាង់នាវអីមៃនតុមនតីនៃ។ លាសមៃញឆ្រោយ្សជានកើតនៃ មៃមរាគែសនាវរាក្លាយ្សរ៝ មៃនើម នអ៝ប់មាផូងអីអ្យាត់នាវមៃដ៝ង់។