15
परमेश्वरजी खोबै म्हि
दाऊदए भजन घ्रि
1 ओ याहवेह, क्हिए पबित्र तम्बुर खाब् होंल् खाँमुँ?
क्हिए पबित्र कोंर खाब् टिल् योंमुँ?
2 क्हिजी प्रद् बिबै घ्याँर प्रब,
धै ठिक केमैं लब,
खों न्होउँइँलेन् क्ह्रोंसेंन्बै ताँ पोंब,
3 ह्रोंसए लेइ आगुलाइ आस्यारब
ह्रोंसए ङ्हेब्मैंए न्होह्रों आलब,
धै ह्रोंसए थुमैंए बारेर आछ्याँबै ताँ आपोंब,
4 आछ्याँबै के लब्मैंलाइ आखोब,
दिलेया याहवेहने ङ्हिंब्मैंलाइ मान लब,
ह्रोंसए न्होह्रों तलेया
ङ लम् बिबै के पूरा लब,
5 मुइ पिंमा ब्याज आकिंब,
धै तोइ छ्याब आरेबै म्हिमैंलाइ नास लबर घुस (ख्याब) आकिंब,
छाबै म्हि क्हिए पबित्र कोंर टिल् योंमुँ।
छ लबै म्हिइ खोंयोंइन रक्षा योंम्।