Daniel
Waeuwa uawa
Israel apanawa God adiananasane ene kokoitau wadaposimoie ita do walama uduudu kadiwa daitada dewasaie. Sa baiwa me bauta nuaitumona rua matangelamone emalawoau apanawa waubamono wimone onau enane nanaumone ita diburau otamone anton mo bolauwo. Tawo Babilon warerewa mukamukaua ebowa Nebukadnesa wisene Israel bodene ita apana uaraia otamon. Apana sa uara otamone tawo Babilon bedewe antoie Daniel do wadane antoiena.
Daniel Babilon bedewe wandio God auenida ita auen rua bedewe ando God gonaawa badowa empio enepia ita do me warerewa sonabena muka wadepie warerekasalepia dewawa euwasadio ewedie. Poka debama wisepie alepio aupe apana uduudu mida ebou God bukawa bedewe girumaleno winedia inaida wadapu. Gagalo ema ipa Israel apanawa nuau badosade ando baiwa.
7
Daniel me mida ando warerelepie wankasalepia ewede
13 Tadino ne auen rua bedewe apanaida rua giou taunbodeno bedewainta iedio ewana. Ita mo me banlene anton me mida Wanwankasalala mampe.
14 Ita me mida Wanwankasalala sa me muka, ebo debama ita kasawoga uduudu me wanen warerelepia baiwa. Ita apana uwa daitada uduudu tawo osowe wanwanla muba aiauwoaiauwo me wadaposisampe ita aiawa ruawantompa baiwa. Me gonaawa ando mai dialepi ita me onionia mukawa ipa winakasala.