5
Maura debamawa ipa ipasiawaia
10 Maura apanawa menasadia mauraidalepi,
tane dima uduudu menasadia mai donsapie wadepi, dia.
Apana sa mauralepia menasadia
me dima uduudu menasadia wadompa tane mai pokasampa.
Me insaisa sa insedia ipa diapana ipasiawaia.
11 Naita e mauraidaitaa,
apana uara e mauraa sa moawa wadompe mamposampa,
ita maura apanawa wane ewono mauraa dialempa.
12 Apana mida nola pokamodia,
nana debama ba kerauda nai tane itudewantoi,
tane maura debama apanawa, maurau inseie
mai itudewantoipe bubuantoipona, dia.
13 Tane kero da debamaia tawo ema osowe winedia ne donsana,
apana mida tawo ema nituwa mampe mauraleidie wadeditue anatedia
nitu sa me inawawa kadisapi.
14 Maura apanawa sa maurawa oniepidewalepie inisapio debamalepia baiwa nolawa dewasadie,
tane maura sa kadilena baiwa me rebasan.
Ita me bolepio aupe me obampa mai dima da wineipona wadapu, dia.
15 No tawo ema osowe muntite mai dima da wadape do sabamontepona, dia,
tane do bontate mai dima da nolawa pokanena wadate do ana, diaida.
No bontate maura sa mai wadate do ana, dia.