6
دَنشَنِيَتْي شَ كِيتِ
1 قٍ ندٍ نَ مِنِ وٌ تَن دَنشَنِيَتْييٍ تَفِ، وٌ نْمَ سِفَدٍ دِ نَ كَلَمُي سَدٍ كَاقِرِيٍ شَ كِيتِ بَنشِ كُي؟ وٌ مُ سِفَمَ سّنِيّنتْييٍ شَ يِرٍ؟
2 وٌ مُ عَ كٌلٌن سّنِيّنتْييٍ نَن قَمَ دُنِحَ بِرِن مَكِيتِدٍ؟ شَ وٌ تَن نَن دُنِحَ مَكِيتِمَ، وٌ قَ تَفَنشِ يِ كِيتِ شُنشُرِيٍ سَدٍ دِ؟
3 وٌ مُ عَ كٌلٌن عَ وٌن قَمَ نّ مَلٍكّيٍ يَتِ مَكِيتِدٍ؟ نَ كُي، وٌن قَ تَفَنشِ يِ دُنِحَ قٍيٍ مَكِيتِدٍ مُنقٍ رَ؟
4 شَ يِ دُنِحَ قٍ ندٍ بَرَ مِنِ وٌ تَفِ فٍرٍ رَ، هَلِ وٌ مِشِ شُرِ ندٍ تٌنفٌ دَنشَنِيَتْي حَمَ يَ مَ، نَ نْمَ نّ نَ كِيتِ سَدٍ وٌ بّ.
5 وٌ مُ يَافِمَ نَ رَ؟ لْننِلَ يٌ مُ نَ وٌ يَ مَ نَشَن نْمَ كِيتِ سَدٍ دَنشَنِيَتْييٍ تَفِ؟
6 كْنْ دَنشَنِيَتْييٍ عٍ بٌورٍ كَلَمُمَ كَاقِرِ شَ كِيتِ بَنشِ كُي.
7 فٍرٍ تٌ نَ وٌ تَفِ، نَ بَرَ عَ مَسٍن عَ وٌ شُن بَرَ رَكَنَ. مُنقٍ رَ وٌ مُ دِحّمَ وٌ بٌرٍ هَاكّ مَ، هَلِ نَ قِندِشِ كَسَرّ نَن نَ وٌ بّ؟
8 كْنْ وٌ تَن هَرِفٍ بَمَ وٌ بٌورٍ دَنشَنِيَتْييٍ يِ رَ تِنشِنتَرٍيَ رَ.
9 وٌ مُ عَ كٌلٌن عَ مِشِ حَاشِ مُ عَرِيَننَ سْتْمَ كّ رَ؟ وٌ نَشَ وٌ يّتّ مَدَشُ. لَنفٌي فِنّ يٌ، كُيٍ بَتُي يٌ، يّنّلَ يٌ، لَنفٌي شّمّ يٌ، شّمّ نَشَن نُن شّمّ كَقُمَ،
10 مُحّتِ، مِلَنتٍ، سِيسِلَ، كٌنبِتِ، نُن مِشِ مَدَشُي، عٍ سٍسٍ مُ عَرِيَننَ سْتْمَ كّ رَ.
11 ندٍيٍ نَ وٌ يَ مَ نَشٍيٍ نُ نَ نَ قٍ مْولِ كُي، كْنْ وٌ بَرَ رَقِيشّ، وٌ بَرَ رَ سّنِيّن، وٌ بَرَ مَتِنشِن، وٌن مَرِفِ عِسَ، عَلَ شَ مِشِ سُفَندِشِ شِلِ رَ، عَ نُن عَلَ شَشِلِ سَابُي رَ.
12 قٍ بِرِن نَدَشَشِ ﭑ بّ، كْنْ عَ بِرِن شَ مُ قَن ﭑ بّ. قٍ بِرِن نَدَشَشِ ﭑ بّ، كْنْ ﭑ مُ تِنمَ نَ قٍ مْولِ ندٍ شَ نْ ﭑ نَ.
13 عَلَ نَن دٌنسٍ دَاشِ عَدَ مَ شَ بَلٌي رَ، عَ عَدَ مَ دَاشِ نّ عَ شَ نَ دٌنسٍ دٌن، كْنْ عَلَ نَ بِرِن حْنمَ نّ. عَلَ مُ عَدَ مَ قَتٍ دَاشِ عَ شَ يّنّ رَبَ. عَ عَدَ مَ دَاشِ عَ مَرِفِ نَن بّ. مَرِفِ مَن مّينِمَ نّ عَدَ مَ قَتٍ مَ.
14 عَلَ نَشَن وٌن مَرِفِ رَكٍلِشِ قَشّ مَ، عَ قَمَ نّ وٌن تَن قَن نَكٍلِدٍ قَشّ مَ عَ سّنبّ رَ.
15 وٌ مُ عَ كٌلٌن وٌ قَتُشِ عَلَ شَ مِشِ سُفَندِشِ نَن مَ، عَلْ وٌ قَتٍ سَلٌنيِيٍ قَتُشِ عٍ بٌرٍ رَ كِ نَشّ؟ شَ مِشِ قَتُشِ عَلَ شَ مِشِ سُفَندِشِ مَ، عَ مُ لَن نَ كَنيِ نُن لَنفٌي شَ كَقُ.
16 عَستْقُلَهِ! وٌ مُ عَ كٌلٌن مِشِ نَشَن نُن لَنفٌي كَقُمَ، عَ تَن نُن نَ لَنفٌي قِندِ مَ قَتٍ كٍرٍن نَن نَ؟ عَ سّبّشِ كِتَابُي كُي، «شّمّ نُن فِنّ قِندِ مَ قَتٍ كٍرٍن نَن نَ.»
17 كْنْ مِشِ نَشَن بَرَ قَتُ مَرِفِ مَ، عٍ شَشِلِ قِندِ مَ كٍرٍن نَن نَ.
18 وٌ وٌ فِ لَنفٌيحَ مَ. يُنُبِ فبّتّ مُ قِندِشِ هَاكّ رَ مِشِ قَتٍ مَ، كْنْ لَنفٌيحَ تَن هَاكّ سْتْمَ مِشِ قَتٍ نَن نَ.
19 وٌ مُ عَ كٌلٌن وٌ قَتٍ قِندِشِ عَلَ شَشِلِ سّنِيّنشِ شَ هْرْ مْبَنشِ نَن نَ؟ عَلَ بَرَ عَ شَشِلِ رَ سٌ وٌ بْحّ عِ. وٌ مُ قِندِشِ وٌ يّتّ فبٍ شَ رَ سْنْن.
20 عَلَ نَن وٌ شُنسَرَشِ شُنسَرٍ شْرْشْي رَ. نَ نَن عَ تٌشِ وٌ شَ عَلَ مَتْشْ وٌ قَتٍ نُن وٌ شَشِلِ رَ، نَشٍيٍ قِندِشِ عَلَ فبٍ رَ.