9
كَوَندِتِ شَ وَلِ
1 لَسِرِ شَ مُ نَ ﭑ نَ؟ شّيرَ شَ مُ نَ ﭑ نَ؟ ﭑ مُ وٌن مَرِفِ عِسَ تٌشِ شّ؟ مَرِفِ مُ ﭑ شّيشِ وٌ يِرٍ شّ، عَلَكٌ وٌ شَ دَنشَنِيَ؟
2 تّمُندٍ بٌورٍيٍ مُ ﭑ كٌلٌن شّيرَ رَ، كْنْ وٌ تَن ﭑ كٌلٌن، بَرِ مَ وٌ شَ دَنشَنِيَ قِندِشِ ﭑ مَ شّيرَيَ تْنشُمَ نَن نَ مَرِفِ شَ قٍ رَ.
3 ﭑ مَ شُنمَقَلّ نَن نَ كِ مِشِيٍ بّ نَشٍيٍ وَ مَ ﭑ مَكِيتِقٍ.
4 عَ مُ دَشَ مُشُ شَ مُشُ دّفٍ، مُشُ شَ مُشُ مِن؟
5 عَ مُ دَشَ مُشُ شَ فِنّ دَنشَنِيَشِ دْشْ، نَشَن لُمَ مُشُ سّيتِ مَ مُشُ شَ حّرّ كُي، عَلْ شّيرَ بٌورٍيٍ عَ رَبَمَ كِ نَشّ، عَ نُن مَرِفِ نفَشَكٍرٍنيِيٍ نُن كٍقَسِ؟
6 كَ ﭑ تَن نُن بَرَنَبَسِ فبَنسَن نَن لَن مُشُ شَ وَلِ مُشُ شَ بَلٌي شَ قٍ رَ؟
7 سْورِ مُندُن عَ يّتّ رَبَلٌمَ؟ بْشِ رَوَلِ مُندُن مُ عَ شَ سَنسِ بٌفِ دٌنمَ؟ شُرُ سٍ دّ مَدٌنيِ مُندُن مُ عَ شَ شُرُ سٍ شِحّ مِنمَ؟
8 عَدَ مَ شَشِلِ فبَنسَن نَن نَ كِ؟ عَلَ شَ سّرِيّ قَن مُ نَ مْولِ مَسٍنمَ شّ؟
9 عَ سّبّشِ تَوُرٍتَ مُنسَ كُي، «نِنفٍ نّ مّنفِ لُشُتَمَ، وٌ مُ لَن وٌ شَ عَ دّ شِرِ.» نَ كُي، عَلَ وَ مَ مّينِقٍ نِنفٍيٍ نَن فبَنسَن مَ،
10 كَ عَ نَ قَلَ وٌن تَن نَن قَن مَ قٍ رَ؟ عِيٌ، عَ نَ سّبّ وٌن تَن نَن مَ قٍ رَ. وَلِكّ وَلِمَ قٍ ندٍ نَن مَ. مِشِ مَالٍ بٌرٌنمَ نّ عَلَكٌ عَ شَ بَلٌي سْتْ.
11 شَ مُشُ بَرَ وَكِلِ وٌ بّ عَلَكٌ وٌ شَ عَلَ كٌلٌن، عَ مُ لَنمَ شّ مُشُ شَ سٍ سْتْ وٌ يِ رَ؟
12 شَ مِشِ فبّتّيٍ نَ مْولِ سْتْمَ وٌ رَ، عَ مُ لَنمَ شّ مُشُ سِنفٍ شَ نَ سْتْ؟ كْنْ مُشُ مُ نَ قِندِشِ تٍكُ رَ وٌ مَبِرِ. مُشُ بَرَ دِحّ نَ بِرِن مَ، عَلَكٌ عَلَ شَ مِشِ سُفَندِشِ شَ شِبَارُ قَنيِ كَوَندِقٍ نَشَ مَتْورْ.
13 وٌ مُ عَ كٌلٌن سّرّشّدُبّيٍ قَن بَلٌمَ سّرّشّيٍ نَن نَ نَشٍيٍ بَشِ عَلَ شَ هْرْ مْبَنشِ بّ؟ سّرّشّدُبّ نَشٍيٍ سّرّشّ سَمَ سّرّشّبَدٍ، عٍ شَ بَلٌي مِنِمَ نَ سّرّشّيٍ نَن كُي.
14 نَ كِ مَرِفِ بَرَ يَامَرِ قِ عَ عَلَ شَ شِبَارُ قَنيِ كَوَندِتِيٍ شَ بَلٌ عٍ شَ كَوَندِ تِ كُي.
15 ﭑ تَن مُ نَ قِندِشِ تٍكُ رَ قٍقٍ مَ. ﭑ مَن مُ يِ بَتَاشّ سّبّشِ شّ عَلَكٌ وٌ شَ ﭑ كِ. كَوَندِ تِقٍ كْبِرِ شَنبِ عَ بَرَ قِندِ حّلّشِنيِ رَ ﭑ بّ. ﭑ مُ تِن مِشِ يٌ شَ نَ حّلّشِنيِ بَ ﭑ يِ رَ، هَلِ نَ قِندِ قَشّ نَن نَ ﭑ بّ.
16 ﭑ مُ نْمَ ﭑ يّتّ عِفبٌدٍ ﭑ مَ كَوَندِ وَلِ شَ قٍ رَ. كَوَندِ تِقٍ قِندِشِ عَلَ شَ يَامَرِ نَن نَ ﭑ بّ. حَشَنكَتّ نَ ﭑ بّ، شَ ﭑ مُ عَلَ شَ شِبَارُ قَنيِ كَوَندِ.
17 شَ ﭑ كٍرٍن نَن عَ حَنِفٍشِ نُ، عَ لَنمَ ﭑ شَ سَرٍ سْتْ. كْنْ شَ عَ مُ قَتَنشِ ﭑ يّتّ حَنِفٍ شَ رَ، ﭑ نَ شّيرَيَ نَن نَبَقٍ تُن، نَشَن تَشُشِ ﭑ نَ.
18 نَ كُي، ﭑ سَرٍ قِندِ مَ مُنسٍ رَ؟ ﭑ سَرٍ قِندِ مَ نَ حّلّشِنيِ نَن نَ، نَشَن قَتَنشِ عَلَ شَ شِبَارُ قَنيِ كَوَندِقٍ رَ سَرٍ شَنبِ ﭑ نُ نْمَ نَشَن مَشْرِندٍ.
19 هَلِ لَسِرِ نَن ﭑ نَ، ﭑ نَن ﭑ يّتّ قِندِ مَ مِشِ بِرِن شَ كٌنيِ نَن نَ عَلَكٌ ﭑ شَ مِشِ فبٍفبٍ سْتْ عَلَ بّ.
20 ﭑ نَن حّرّ مَ يُوِقِ كِ نَن مَ يُوِقِيٍ يَ مَ عَلَكٌ ﭑ شَ عٍ سْتْ عَلَ بّ. ﭑ نَن حّرّ مَ مُنسَ شَ سّرِيّ كِ نَن مَ، هَلِ ﭑ مُ نَ نَ يَامَرِ بُن مَ، عَلَكٌ ﭑ شَ مِشِيٍ سْتْ عَلَ بّ نَشٍيٍ نَ نَ سّرِيّ بُن مَ.
21 شَ ﭑ نَ مِشِيٍ يَ مَ نَشٍيٍ مُ نَ مُنسَ شَ سّرِيّ بُن مَ، ﭑ قَن لُمَ عٍ فبٍ كِ نّ، عَلَكٌ ﭑ شَ نَ مِشِ مْولِ سْتْ عَلَ بّ. ﭑ نَن حّرّ مَ نَ كِ نّ هَلِ ﭑ تَن تٌ نَ عَلَ شَ سّرِيّ بُن مَ. ﭑ نَ عَ شَ مِشِ سُفَندِشِ شَ يَامَرِ نَن بُن مَ.
22 ﭑ بَرَ حّرّ قَهَامُتَرٍحَ كِ مَ قَهَامُتَرٍيٍ يَ مَ، عَلَكٌ ﭑ شَ عٍ قَن سْتْ عَلَ بّ. ﭑ بَرَ قٍ مْولِ بِرِن نَبَ، ﭑ بَرَ حّرّ مِشِ مْولِ بِرِن فبٍ كِ مَ، عَلَكٌ ﭑ شَ مِشِ ندٍيٍ سْتْ عَلَ بّ.
23 ﭑ قٍ بِرِن نَبَمَ عَلَكٌ عَلَ شَ شِبَارُ قَنيِ شَ كَوَندِ، ﭑ قَن شَ لُ نَ نّمّ كُي.
24 وٌ مُ عَ كٌلٌن فِ مِشِ نَشٍيٍ فبَتَمَ حَمَ يَ شْرِ، مِشِ كٍرٍن فبَنسَن نَن فٍينِمَ، عَ سَرٍ سْتْ؟ وٌ قَن شَ حّرّ عَ قَنيِ رَ وٌ شَ دُنِحّءِفِرِ كُي، عَلَكٌ وٌ شَ سَرٍ سْتْ عَلَ رَ.
25 فِ مِشِ نَشٍيٍ فبَتَ رَبَمَ، عٍ قٍ شْرْشْي مْولِ بِرِن نَبَمَ، عَلَكٌ عٍ شَ فٍينِ، هَلِ نَ سَرٍ مُ بُ. وٌن تَن نَن سَرٍ ندٍ سْتْمَ نَشَن بُمَ عَبَدَن.
26 نَ نَن عَ تٌشِ ﭑ لُمَ ﭑ حّرّ كِ مَتٌ رَ عَ قَنيِ رَ، ﭑ مُ بْنبْمَ قٍ قُقَقُ رَ.
27 ﭑ نَن ﭑ يّتّ سُشُمَ نّ سّنبّ رَ، عَلَكٌ ﭑ تَن كَوَندِتِ قَن نَشَ قَ عَلَ شَ مَسٍنيِ مَتَندِ، ﭑ شَ لْي.