7
دَنِيّلِ شَ لَامَتُنيِ؛ سُبٍ نَانِ
1 بٍلِسَسَرِ شَ مَنفّيَ حّ سِنفٍ رَ بَبِلْن، دَنِيّلِ نَشَ شِيٍ سَ، لَامَتُنيِيٍ نَشَ رَفٌرٌ عَ مَ عَ سَشِ تّمُي نَشّ. نَ دَنفِ شَنبِ، عَ نَشَ نَ شِيٍ كُي عِقٍ سّبّ.
2 دَنِيّلِ نَشَ عَ قَلَ، «ﭑ بَرَ لَامَتُنيِ تٌ شِيٍ كُي كْي رَ، قٌيٍ كٍلِشِ كٌورٍ مَ دُنِحَ تُنشُن نَانِيٍ رَ، عَ دِن بَا رَ، عَ عَ عِ مَشَ.»
3 «سُبٍ مَفَاشُشِ نَانِ نَشَ مِنِ بَا مَ، عٍ سٍسٍ كٍرٍن مُ عَ رَ.
4 عَ سِنفٍ نُ لُشِ نّ عَلْ يّتّ، سّفّ فَبُتٍنيِيٍ نَ نَشَن مَ. ﭑ عَ تٌ نّ، عٍ عَ فَبُتٍنيِيٍ عِتَلَمَ، عٍ عَ تِ بْشِ مَ عَلْ مِشِ، عٍ عَدَ مَ سٌندٌنيِ رَ سٌ عَ قَتٍ.»
5 «سُبٍ قِرِن ندٍ نُ لُشِ نّ عَلْ وُلَءِ بَرٍ شُنفبٍ. عَ سَشِ عَ سّيتِ مَ، فَنيَنشْرِ سَشَن نَ عَ دّ عِ، عَ عٍ شِنمَ. عٍ نَشَ عَ قَلَ عَ بّ، ‹كٍلِ، عِ شَ سُبٍ فبٍفبٍ دٌن.›»
6 «نَ دَنفِ شَنبِ، ﭑ نَشَ سُبٍ ندٍ تٌ نَشَن لُشِ عَلْ بَرَتّ، كْنْ شْنِ فَبُتٍنيِ نَانِ نَ عَ بّ، شُنيِ نَانِ قَن نَ عَ بّ. عَ نَشَ نْي سْتْ.
7 نَ دَنفِ شَنبِ، ﭑ نَشَ سُبٍ نَانِ ندٍ تٌ شِيٍ كُي كْي رَ. نَ قَن نُ مَفَاشُ كِ قَنيِ، عَ فبَنفبَلَن هَن. عَ نُ سُبٍ دٌنمَ عَ وُرٍ حِنيِ فبَنفبَلَنيِيٍ نَن نَ، سُبٍ دْنشْي نَشَن لُ، عَ نَشَ نَ مَبٌرٌن عَ سَنيِ رَ. عَ تَن مُ نُ لُشِ عَلْ سُبٍ بٌورٍيٍ. قٍرِ قُ نُ نَ عَ شُنيِ مَ.
8 ﭑ تٌ ﭑ يَ رَ سِفَ ﭑ شَ عَ قٍرِيٍ عِفبّ، قٍرِ لَنمَدِ نَشَ مِنِ بٌورٍيٍ تَفِ. قٍرِ سَشَنيِيٍ نَشَ تَلَ نَ قٍرِ لَنمَدِ يَ رَ. يَ نُ نَ نَ قٍرِ بّ نَشٍيٍ نُ لُشِ عَلْ عَدَ مَدِ يَيٍ. دّ قَن نُ نَ نَ قٍرِ بّ، نَشَن نُ نَ يّتّ عِفبٌي وْيّنيِيٍ قَلَقٍ.»
9 «ﭑ نَشَ عَ تٌ، كِبَنيِيٍ دْشْشِ،
عَلَ، قْلّ مُ نَ نَشَن بّ، عَ نَشَ عَ مَفٌرٌ.
عَ شَ دُفِ بِرِن قِيشّ عَلْ شِحّ،
عَ شُنسّشّ لُشِ عَلْ فّسّ قُتٍ،
عَ شَ كِبَنيِ لُشِ نّ عَلْ تّ،
سَنيِ دِفِلِنشِيٍ نُ نَ عَ شَ كِبَنيِ مَ.
10 شُرٍ تّ نُ فٌرٌ مَ عَ يَ رَ.
مِشِ وُلُ وُلُ نُ نَ عَ بَتُقٍ.
مِشِ وُلُ وُلُ نُ تِشِ عَ يَ رَ.
كِيتِسَيٍ نَشَ عٍ مَفٌرٌ، عٍ بُكِيٍ رَبِ.
11 ﭑ نَشَ عَ تٌ، نَ قٍرِ لَنمَدِ نُ نَ يّتّ عِفبٌي وْيّنيِيٍ قَلَقٍ.
ﭑ نَشَ عَ تٌ، عٍ سُبٍ نَانِ ندٍ قَشَشِ ﭑ يَ شْرِ،
عٍ قَ عَ بِنبِ وْلّ تّ شْورَ، عَ شَ فَن.
12 سّنبّ نَشَ بَ سُبٍ بٌورٍيٍ يِ رَ،
كْنْ وَشَتِ ندٍ نَشَ سَ عٍ شَ سِمَيَ تَن شُن مَ.
13 ﭑ نَشَ عَ تٌ شِيٍ كُي كْي رَ،
عَدَ مَدِ مَنِيّ كٍلِمَ نُشُي قَرِ،
عَ عَ مَسٌمَ عَلَ رَ، قْلّ مُ نَ نَشَن بّ.
14 عَلَ نَشَ سّنبّ، بِنيّ، نُن مَنفّيَ سٌ عَ يِ،
عَلَكٌ سِيٍ بِرِن، بْنسْي بِرِن، نُن شُي بِرِن قَلّيٍ
شَ لُ عَ شَ يَامَرِ بُن مَ.
عَ شَ يَامَرِ مُ حْنمَ عَبَدَن،
عَ شَ مَنفّيَ بُمَ نّ تّمُي بِرِن،
دَنيِ يٌ مُ نَ عَ مَ.»
15 «ﭑ تَن دَنِيّلِ، ﭑ شَشِلِ نَشَ عِقُ، ﭑ مَ شِيٍ نَشَ ﭑ مَفَاشُ.
16 ﭑ نَشَ ﭑ مَسٌ مِشِ ندٍ رَ نَشَن نُ نَ مّننِ ﭑ مَ شِيٍ كُي، ﭑ نَشَ عَ مَشْرِن، عَ شَ نَ قٍ قِيشّ ﭑ بّ.
17 عَ نَشَ نَ تَفِ رَبَ ﭑ بّ، ‹يِ سُبٍ مَفَاشُشِ نَانِيٍ، دُنِحَ مَنفّ نَانِ نَن نَ عٍ رَ نَشٍيٍ قَمَ بُلَدٍ بْشِ مَ.
18 كْنْ عَلَ شُنفبٍ شَ سّنِيّنتْييٍ قَمَ نّ مَنفّيَ سْتْدٍ، عَ مُ بَمَ عٍ يِ رَ عَبَدَن.›»
19 «نَ دَنفِ شَنبِ، ﭑ نَشَ وَ نَ سُبٍ نَانِ ندٍ شَ قٍ قَهَامُقٍ. عَ مُ نُ لُشِ عَلْ سُبٍ بٌورٍيٍ. عَ مَفَاشُ، وُرٍ حِنيِيٍ نُن يْشُي سَنشَلٍيٍ نَن نُ نَ عَ بّ. عَ نَ فّ سُبٍ دٌندٍ، عَ نَشَن لُمَ، عَ نَ مَبٌرٌنمَ نّ.
20 ﭑ مَن نَشَ وَ نَ قٍرِ شَ قٍ كٌلٌنقٍ. قٍرِ قُ نُ نَ عَ شُنيِ مَ، كْنْ قٍرِ فبّتّ تٌ مِنِ، قٍرِ سَشَن نَشَ بِرَ نَ قٍرِ بٌورٍيٍ يَ رَ. يَ نُ نَ قٍرِ بّ، عَ دّ قَن نُ نَ يّتّ عِفبٌي وْيّنيِيٍ قَلَقٍ. عَ نُ فبٌ بٌورٍ قٍرِ بِرِن بّ.»
21 «ﭑ نَشَ نَ قٍرِ تٌ سّنِيّنتْييٍ فٍرٍ رَ، عَ نَشَ نْ عٍ رَ،
22 هَن عَلَ شُنفبٍ، قْلّ مُ نَ نَشَن بّ، نَ قَ كِيتِ سَدٍ عٍ تَفِ تّمُي نَشّ، عَ قَ نْندِ قِ عَ شَ سّنِيّنتْييٍ مَ، عَلَكٌ عٍ شَ مَنفّيَ سْتْ.»
23 «عَ نَشَ نَ قَسَرِ ﭑ بّ يِ كِ، ‹نَ سُبٍ نَانِ ندٍ قِندِشِ دُنِحَ مَنفّيَ ندٍ نَن نَ، نَشَن مُ لُشِ عَلْ بٌورٍ مَنفّيَيٍ. عَ قَمَ نّ دُنِحَ بِرِن سْتْدٍ، عَ عَ هَلَكِ، عَ عَ مَبٌرٌن.
24 نَ قٍرِ قُ قِندِشِ مَنفّ قُ نَن نَ، نَشٍيٍ قَمَ تِدٍ نَ مَنفّيَ شُن مَ. عٍ نَ دَنفِ، مَنفّ فبّتّ تِمَ نّ. عَ مُ لُمَ عَلْ عٍ تَن، عَ قَمَ مَنفّ سَشَن نَفٌرٌدٍ.
25 عَ وْيّنمَ نّ عَلَ شُنفبٍ شِلِ رَ، عَ سّنِيّنتْييٍ حَشَنكَتَ، عَ وَ وَشَتِيٍ نُن سّرِيّيٍ مَسَرَقٍ. سّنِيّنتْييٍ قَمَ نّ لُدٍ عَ بّلّشّ وَشَتِ سَشَن نُن عَ تَفِ بُن مَ.
26 نَ دَنفِ شَنبِ، كِيتِ سَمَ نّ، مَنفّيَ بَمَ نّ عَ يِ رَ، عَ هَلَكِ كٍرٍنيِ رَ.
27 مَنفّيَ، يَامَرِ، نُن بِنيّ نَشَن بِرِن نَ دُنِحَ، نَ قَمَ نّ قِدٍ عَلَ شُنفبٍ شَ سّنِيّنتْييٍ مَ. عَلَ شَ مَنفّيَ مُ حْنمَ عَبَدَن. سّنبّ كَنيِ بِرِن قَمَ نّ عَ شَ يَامَرِ سُشُدٍ، عٍ عَ رَبَتُ.›»
28 «مَسٍنيِ دَنيِ نَن يِ كِ. ﭑ تَن دَنِيّلِ، ﭑ نَشَ فَاشُ ﭑ مَ مَحْشُنيِيٍ رَ هَن ﭑ يَتَفِ نَشَ مَسَرَ. ﭑ نَشَ يِ مَسٍنيِ بِرِن نَفَتَ ﭑ بْحّ مَ.»