16
عِسِرَيِلَ شَ يّنّ عَلَ مَبِرِ
1 عَلَتَلَ نَشَ يِ مَسٍنيِ تِ ﭑ بّ، عَ نَشّ؛
2 «عَدَ مَدِ، دَرِ سَلَمُ رَكٌلٌن عَ شَ قٍ كٌبِيٍ رَ.
3 عَ قَلَ عَ بّ، ‹عِ مَرِفِ عَلَتَلَ يِ نَن مَسٍنشِ؛ عِ بَرِشِ كَنَان بْشِ نَن مَ، عَمٌرِكَ نَن نُ نَ عِ بَبَ رَ، عِ نفَ قِندِشِ شِتِكَ نَن نَ.
4 عِ بَرِشِ لْشْي نَشّ، مِشِ يٌ مُ وٌ قُرِشُلِ شَبَ، عٍ مُ عِ مَشَ يٍ نُن قْشّ رَ عَلَكٌ عِ شَ سّنِيّن، عٍ مُ عِ مَقِلِن دُفِ كُي.
5 مِشِ يٌ مُ كِنِكِنِ عِ مَ نَ قٍ مْولِ رَبَقٍ رَ. عٍ عِ وْلِ بُرُنيِ، بَرِ مَ عِ نُ مَحَاشِن بِرِن بّ.›»
6 «ﭑ نُ نَ دَنفِقٍ عِ يِرٍ تّمُي نَشّ، ﭑ نَشَ عِ تٌ عِ نَ عِ نِي مَفَفَقٍ عِ سَشِ وُلِ شْورَ. ﭑ نَشَ عَ قَلَ عِ بّ، ‹عِ شَ كِسِ.›
7 ﭑ نَشَ عِ رَ مْ عَلْ سَنسِ مْمَ كِ نَشّ. عِ بَرَ قِندِ فِنّدِ مّدِ تٌقَنيِ رَ. عِ قَتٍ بَرَ مْ، عِ شُنسّشّ بَرَ كُيَ، كْنْ هَن نَ تّمُي دُفِ مُ نُ رَفٌرٌشِ عِ مَ. عِ مَفٍلِ نَن نُ عَ رَ.»
8 «تّمُي ندٍ تٌ دَنفِ، ﭑ نَشَ عَ تٌ عِ قِندِشِ سُنفبُتُنيِ رَ. نَ كُي ﭑ نَشَ ﭑ مَ دُفِ سَنبُنيِ قٍلٍن عِ مَ عِ سُتُرَقٍ رَ، عَ قِندِ سَاتّ رَ وٌن تَفِ. نَ كُي عِ قِندِشِ ﭑ تَن نَن فبٍ رَ، عِ مَرِفِ عَلَتَلَ.»
9 «ﭑ نَشَ عِ مَشَ يٍ رَ، ﭑ وُلِ بَ عِ مَ، ﭑ قَ تُرٍ شِرِ قَنيِ سٌ عِ مَ.
10 ﭑ نَشَ دُفِ قَنيِ دّفّ عِ بّ، ﭑ نَ رَفٌرٌ عِ مَ. ﭑ نَشَن سَنكِرِ قَنيِ سٌ عِ سَنيِ.
11 ﭑ نَشَ عِ رَشُنمَ بّلّشّ رَ سٌي نُن كْنمَفٌرٍ رَ.
12 ﭑ نَشَ شُرُندّ سَ عِ حْي رَ، ﭑ تُلِرَ سٌي سَ عِ تُلِيٍ رَ، ﭑ مَنفّ تْنشُمَ دُ سُ عِ شُن نَ.
13 عِ نُ رَشُنمَشِ شّيمَ نُن فبٍتِ نَن نَ، عِ نُ مَشِرِشِ دُفِ تٌقَنيِيٍ نَن نَ، عِ نُ دٌنسٍ قَنيِ دٌنمَ نَشَن قِندِ كُمِ نُن تُرٍ رَ. عِ شَ تٌقَنيِ شُن نُ قَ مَسَ تُن، مَنفّيَ نَشَ رَدَشَ عِ بّ.
14 عِ شِلِ نَشَ دِن حَمَنّيٍ رَ عِ شَ تٌقَنيِ شَ قٍ رَ، بَرِ مَ تٌقَنيِ كَمَلِشِ نَن نُ عَ رَ عِ شَ نْرّ سَابُي رَ ﭑ نَشَن قِشِ عِ مَ. عَلَتَلَ شُي نَن نَ كِ.»
15 «كْنْ نَ تّمُي عِ نَشَ لَ قْلْ عِ شَ تٌقَنيِ نُن عِ شِلِ قَنيِ رَ، عِ قَ سٌ لَنفٌيحَ رَبَقٍ. عِ نُ عِ يّتّ سٌمَ مِشِ بِرِن يِ رَ، عِ لُ عٍ سَفٌي.
16 عِ نَشَ عِ شَ دُفِ تٌقَنيِيٍ عِتَلَ فٍيَ قَرِ عِ لَنفٌيحَ رَبَ دّننَشّ. نَ قٍ مْولِ مُ لَنمَ قٍوٌ. نَ رَبَقٍ مُ قَن.
17 عِ نَشَ عِ شَ شُنمَسٍ شّيمَ نُن فبٍتِ دَاشِيٍ تٌنفٌ، ﭑ نَشٍيٍ قِشِ عِ مَ، عِ عٍ يَءِلَن كُيٍ شّمّيٍ رَ، عِ قَ لَنفٌيحَ رَبَ نٍيٍ رَ.
18 عِ نَشَ عِ شَ دُفِ تٌقَنيِيٍ رَفٌرٌ عٍ مَ، عِ قَ ﭑ مَ تُرٍ نُن ﭑ مَ سُرَيِ بَ سّرّشّ رَ عٍ بّ.
19 ﭑ دٌنسٍ نَشَن سٌ عِ يِ رَ، عِ بَرَ نَ تَامِ قَنيِ، نَ تُرٍ، نُن نَ كُمِ بِرِن بَ سّرّشّ فَن دَاشِ رَ عٍ بّ. عِ نَ نَن نَبَشِ. عَلَتَلَ شُي نَن نَ كِ.»
20 «عِ نَشَ عِ شَ دِيٍ تٌنفٌ، ﭑ نَشٍيٍ قِشِ عِ مَ، عِ عٍ قَن بَ سّرّشّ رَ نَ كُيٍيٍ بّ. عِ شَ لَنفٌيحَ مُ نُ عِ وَ سَمَ نُ؟
21 عِ بَرَ ﭑ مَ دِيٍ كْن نَشَبَ، عِ عٍ بَ سّرّشّ رَ كُيٍيٍ بّ!
22 عِ شَ قٍ كٌبِيٍ نُن عِ شَ لَنفٌيحَ بِرِن كُي، عِ مُ رَتُ عَ مَ ﭑ نَشَن نَبَشِ عِ بّ عِ مَفٍلِ تٌ نُ عَ رَ، عِ نُ عِ نِي مَفَفَقٍ عِ وُلِ شْورَ تّمُي نَشّ؟»
23 «حَشَنكَتّ نَ عِ بّ! عَلَتَلَ شُي نَن نَ كِ. سَقٍ عِ شَ وَلِ حَاشِ شُن مَ، عِ بَرَ قٍ فبّتّ قَن نَبَ.
24 عِ بَرَ يِرٍيٍ تِ تَا تَفِ كِرَ دّ رَ،
25 عِ قَ عِ قَتٍ شَ تٌقَنيِ مَسٍن حَمَ بّ كّنّ مَ، عَلْ لَنفٌي نَشَن وَ مَ شّمّ مَبّندُنقٍ عَ مَ.
26 عِ بَرَ لَنفٌيحَ رَبَ مِسِرَكَيٍ رَ، عِ دْشْبٌورٍ نَشٍيٍ شَ فِنّ قٍ شْرْشْ. عِ شَ لَنفٌيحَ رَدَنفِشِ بَرَ ﭑ نَشْنْ.
27 نَ كُي ﭑ بَرَ ﭑ بّلّشّ عِتَلَ عِ شِلِ مَ، ﭑ قَ ندٍ بَ عِ شَ بْشِ رَ، ﭑ عَ سَ عِ يَشُييٍ قِلِسِتَكَيٍ سَفٌي، عِ شَ وَلِ كٌبِيٍ شَ قٍ رَ نَشٍيٍ بَرَ عٍ رَتّرّننَ.
28 عِ بَرَ لَنفٌيحَ رَبَ عَسِرِيَكَيٍ قَن نَ، بَرِ مَ سٍسٍ مُ عِ وَ سَمَ.
29 نَ دَنفِ شَنبِ عِ بَرَ لَنفٌيحَ رَبَ بَبِلْن يُلّيٍ رَ، كْنْ نٍيٍ قَن مُ عِ وَ سَ.»
30 «عِ بْحّ كٌبِ! عَلَتَلَ شُي نَن نَ كِ. عِ يِ لَنفٌيحَ مْولِ رَبَمَ دِ؟
31 عِ تٌ عِ شَ لَنفٌي يِرٍيٍ تِ تَا كُي كِرَ دّ رَ، عِ مُ نُ لُشِ عَلْ لَنفٌي يَتِ بَرِ مَ عِ نُ لَنفٌيحَ رَبَقٍ نّ تُن كْبِرِ شَنبِ!»
32 «يّنّ فِنّ، شْحّيٍ رَقَن عِ مَ دَنفِقٍ عِ شَ مْرِ رَ.
33 لَنفٌي بِرِن وَ مَ لَنفٌي سَرٍ شْن، كْنْ عِ تَن نَن لُمَ عِ حّنفّيٍ كِ رَ، عَلَكٌ عِ شَ عٍ مَبّندُن عِ مَ عَ مْولِ بِرِن نَ.
34 عِ مُ لُشِ عَلْ لَنفٌي فبّتّيٍ. مِشِ يٌ مُ عِ مَيَندِ مَ عِ شَ وَلِ رَ. عِ تَن نَن عٍ مَيَندِ مَ، عِ قَ عٍ سَرٍ قِ، عِ مُ سٍ سْتْ.»
35 «عِ تَن لَنفٌي فِنّ، عِ تُلِ مَتِ عَلَتَلَ شَ مَسٍنيِ رَ!
36 عِ مَرِفِ عَلَتَلَ يِ نَن مَسٍنشِ؛ عِ تٌ عِ شَ نَاقُلِ بَ عَلَكٌ عِ شَ لَنفٌيحَ رَبَ عِ حّنفّيٍ رَ، عِ تٌ كُيٍيٍ مْولِ بِرِن تِ، عِ قَ عِ شَ دِيٍ وُلِ بَ سّرّشّ رَ عٍ بّ،
37 ﭑ قَمَ نّ عِ حّنفّيٍ بِرِن مَلَندٍ، نَشٍيٍ نُ رَقَن عِ مَ نُن نَشٍيٍ مُ نُ رَقَن عِ مَ، ﭑ عِ حَءِبْي مَسٍن عٍ بّ عَ كّنّ مَ، عِ شَ يَافِ.
38 ﭑ عِ مَكِيتِمَ نّ عَلْ فِنّ يّنّلَ نُن قَشّتِ مَكِيتِمَ كِ نَشّ. ﭑ نَن ﭑ فبٍ حْشْمَ نّ عِ مَ ﭑ مَ شْنّ نُن ﭑ مَ تْونّ شْرْشْي رَ.
39 نَ تّمُي ﭑ عِ سَمَ نّ عِ حّنفّيٍ سَفٌي، عٍ عِ شَ لَنفٌي يِرٍيٍ كَنَ، عٍ عِ شَ دُفِيٍ نُن عِ شَ شُنمَسٍيٍ بَ عِ مَ، عٍ قَ عِ لُ عِ مَفٍلِ رَ قْين.
40 عٍ عٍ مَلَنمَ نّ عِ شِلِ مَ، عٍ عِ مَفْنْ فّمّيٍ رَ، عٍ عِ مَسْشْ عٍ شَ سَنتِدّفّمَيٍ رَ.
41 عٍ عِ شَ بَنشِيٍ فَنمَ نّ، عٍ عِ حَشَنكَتَ فِنّ فبٍفبٍ يَ شْرِ. ﭑ عِ شَ لَنفٌيحَ دَنمَ نّ، عِ مُ عِ حّنفّيٍ كِمَ سْنْن.
42 ﭑ نَ فّ نَ رَبَدٍ عِ رَ، ﭑ مَ شْنّ فٌرٌ مَ نّ عِ شَ يَنقَنتٍيَ شَ قٍ رَ.»
43 «ﭑ قَمَ نّ عِ شَ وَلِ سَرٍ بِرِن نَفبِلٍندٍ عِ مَ، بَرِ مَ عِ مُ عِ رَتُ عِ قٌنِكٍ تّمُي مَ. عِ مَرِفِ عَلَتَلَ شُي نَن نَ كِ. عِ مُ لَنفٌيحَ شَ سَ عِ شَ قٍ كٌبِ فبّتّيٍ قَرِ؟»
44 «تَالِ قَلّيٍ قَمَ يِ تَالِ قَلَدٍ عِ شُن مَ، ‹نفَ لُ كِ يٌ كِ، عَ شَ دِ فِنّ قَن لُمَ نَ كِ نّ!›
45 عِ نفَ شَ دِ يَتِ نَن عِ رَ، نَشَن مّ عَ شَ مْرِ نُن عَ شَ دِيٍ رَ. عِ تَارَ فِنّمَيٍ قَن مّ نّ عٍ شَ مْرِيٍ رَ، نُن عٍ شَ دِيٍ رَ. عِ نفَ قِندِشِ شِتِكَ نَن نَ، عِ بَبَ قِندِشِ عَمٌرِكَ نَن نَ.
46 سَمَرِ قِندِشِ عِ تَارَ فِنّمَ نَن نَ نَشَن سَبَتِشِ عِ كْولَ مَ، عَ نُن عَ شَ تَا فبّتّيٍ كُي. سٌدٌ مَ نَن قِندِشِ عِ شُنيَ فِنّمَ رَ نَشَن سَبَتِشِ عِ يِرٍقَنيِ مَ، عَ نُن عَ شَ تَا فبّتّيٍ رَ.
47 عِ بَرَ بِرَ عٍ شَ وَلِ حَاشِ قْشْ رَ، عِ مَن بَرَ حَاشُ دَنفِقٍ عٍ تَن نَ.
48 ﭑ بَرَ ﭑ كَلِ، سٌدٌ مَ نُن عَ شَ تَايٍ مُ عِ شَ حَاشُحَ لِشِ. عَلَتَلَ شُي نَن نَ كِ.»
49 «عِ شُنيَ سٌدٌ مَ شَ يُنُبِيٍ قِندِشِ يِ نَن نَ؛ يّتّ عِفبٌحَ، بَننَيَ، نُن كِنِكِنِتَرٍحَ تْورْ مِشِيٍ مَبِرِ.
50 عٍ دّ عِفبٌ، عٍ قٍ حَاشِيٍ رَبَمَ ﭑ يَ شْرِ. نَ كُي، ﭑ نَشَ عٍ شَ قٍ حْن!
51 سَمَرِ مُ يُنُبِ رَبَ عَلْ عِ تَن. عِ شَ قٍ كٌبِ رَبَ فبٌ دَنفِ عَ فبٍ رَ ثٌن! نَ تَا حَاشِ تِنشِن عِ بّ.
52 عِ شَ يَافِ تُن! عِ شَ حَاشُحَ كُي، عَ لُشِ نّ عَلْ عِ شُنيَيٍ نَ قِسَ عِ بّ. عِ شَ نَ كٌتٍ شَنِن.»
53 «كْنْ عَ رَحْنيِ، ﭑ قَمَ نّ سٌدٌ مَ نُن عَ شَ تَايٍ نُن سَمَرِ نُن عَ شَ تَايٍ شَ قٍ شُن نَكٍلِدٍ. عِ قَن لُمَ نّ نَ شُننَكٍلِ كُي.
54 عِ بَرَ يَافِ سْتْ عِ شَ وَلِ كٌبِ شَ قٍ رَ. نَ بَرَ عَ نِيَ سٌدٌ مَ نُن سَمَرِ شِلِ شَ قَن دٌندٌرٌنتِ.
55 عِ شُنيَ سٌدٌ مَ نُن عَ شَ تَايٍ نُن عِ تَارَ سَمَرِ نُن عَ شَ تَايٍ شُن نَكٍلِمَ نّ عَلْ سِنفٍ. عِ قَن نُن عِ شَ تَايٍ لُمَ نَ شُننَكٍلِ نَن كُي.
56 عِ نُ عِ يّتّ عِفبٌمَ تّمُي نَشّ، عِ مُ تِن قٍ قَنيِ قَلَدٍ عِ شُنيَ سٌدٌ مَ شَ قٍ رَ،
57 بٍينُن عِ شَ حَاشُحَ شَ سَ كّنّ مَ. يَكْسِ عٍدٌن نُن عَ شَ تَايٍ نُن قِلِسِتَ نُن عَ شَ تَايٍ، عٍ بِرِن عِ مَبٍرٍ مَ.
58 نَ لَنفٌيحَ نُن قٍ كٌبِيٍ يَافِ لُمَ نّ عِ مَ. عَلَتَلَ شُي نَن نَ كِ.»
59 «عِ مَرِفِ عَلَتَلَ يِ نَن مَسٍنشِ؛ ﭑ عِ سَرٍ رَفبِلٍنمَ نّ عِ مَ سّرِيّ كِ مَ، بَرِ مَ عِ بَرَ ﭑ مَ كَلِ مَبٍرٍ ﭑ مَ سَاتّ كَنَقٍ رَ.
60 كْنْ ﭑ تَن مُ نّيمُمَ وٌن مَ سَاتّ مَ، وٌن نَشَن تٌنفٌ عِ قٌنِكٍ تّمُي. ﭑ قَمَ نّ سَاتّ تٌنفٌدٍ عِ بّ نَشَن مُ حْنمَ عَبَدَن.
61 نَ كُي، عِ تَارَ نُن عِ شُنيَ نَ فبِلٍن عِ مَ، عِ رَتُمَ نّ عِ شَ كِرَ حَاشِ مَ يَافِ رَ. ﭑ عٍ قِمَ نّ عِ مَ، كْنْ نَ قٍ مُ نَ وٌن مَ سَاتّ سِنفٍ كُي.
62 ﭑ سَاتّ تٌنفٌمَ نّ عِ بّ، عِ عَ كٌلٌنمَ نّ عَ ﭑ تَن نَن نَ عَلَتَلَ رَ.
63 ﭑ نَ فّ عِ شُن سَرَدٍ عِ شَ يُنُبِيٍ شَ قٍ رَ، عِ قَمَ نّ رَتُدٍ قٍ دَنفِشِيٍ مَ يَافِ كُي، عِ قَ عِ دّ رَفَلِ عِ شَ يَافِ شَ قٍ رَ. عَلَتَلَ شُي نَن نَ كِ.»