32
سُننُن سُوكِ قِرَوُنَ بّ
1 عَ حّ قُ نُن قِرِن ندٍ، كِكٍ قُ نُن قِرِن، شِ سِنفٍ رَ، عَلَتَلَ نَشَ عَ مَسٍن ﭑ بّ، عَ نَشّ،
2 «عَدَ مَدِ سُوكِ ندٍ سَ مِسِرَ مَنفّ قِرَوُنَ بّ، عَ قَلَقٍ رَ؛
‹عِ لُشِ نّ عَلْ يّتّ حَمَنّيٍ تَفِ،
عَلْ يّشّ مَفَاشُشِ بَا مَ،
نَشَن يٍ عِمَشَمَ عَ بّلّ رَ هَن عَ دُندَ.
3 عِ مَرِفِ عَلَتَلَ يِ نَن مَسٍنشِ، عَ نَشّ؛
ﭑ نَ ﭑ مَ يّلّ دُ سُمَ نّ عِ شُن نَ،
فَلِ قَ عِ بّندُن ﭑ مَ.
4 ﭑ عِ رَتٍمَ نّ شَرٍ مَ،
ﭑ عِ وٌلِ قِيلِ مَ، شْنِيٍ نُن بُرُنيِ سُبٍيٍ لُفَ عِ رَ.
5 ﭑ عِ سُبٍ سَمَ نّ فٍيَيٍ قَرِ،
عِ شُنتُنيِيٍ لُ فُلُنبَيٍ كُي،
6 بْشِ بُندَ عِ وُلِ رَ هَن فٍيَيٍ قَرِ،
عِ سُبٍ تٌ قٌلٍيٍ كُي.
7 ﭑ نَ عِ شُن نَكَنَ،
ﭑ كٌورٍ مَكٌتٌمَ نّ، ﭑ تُنبُييٍ شَ يَنبّ بَ.
ﭑ سٌفٍ مَكٌتٌمَ نّ نُشُي رَ، كِكٍ قَن مُ يَنبَمَ.
8 ﭑ يَنبَسٍيٍ بِرِن مَكٌتٌمَ نّ عِ شَ قٍ رَ،
ﭑ دِ مِ رَ سِن عِ شَ بْشِ مَ.
عِ مَرِفِ عَلَتَلَ شُي نَن نَن كِ.›»
9 «ﭑ نَ عِ شَ كَنَرِ مَسٍن حَمَنّيٍ مَ،
ﭑ حَمَ فبٍفبٍ رَشْنْمَ نّ عِ شِلِ مَ،
عِ مُ نَشٍيٍ كٌلٌن.
10 ﭑ نَ ﭑ مَ سَنتِدّفّمَ بَ عَ تّي كُي،
ﭑ سِ فبٍفبٍ رَتّرّننَمَ نّ عِ شَ قٍ رَ،
عٍ شَ مَنفّيٍ قَ فَاشُ.
عٍ نَ عِ شَ بِرّ تٌ،
عٍ بِرِن فَاشُمَ نّ عٍ يّتّ شَ قٍ رَ.
11 عٍ مَرِفِ عَلَتَلَ يِ نَن مَسٍنشِ، عَ نَشّ؛
بَبِلْن مَنفّ شَ سَنتِدّفّمَ عِ لِمَ نّ.
12 ﭑ عِ شَ سْورِ فَلِيٍ رَفٌرٌ مَ نّ حَلَمَيٍ شَ سَنتِدّفّمَ رَ،
حَلَمَيٍ نَشٍيٍ حَاشُ سْورِيٍ بِرِن بّ.
عٍ مِسِرَكَيٍ شَ يّتّ عِفبٌحَ كَنَمَ نّ،
عٍ عٍ شَ سْورِ فَلِيٍ سْنتْ.
13 ﭑ عِ شَ شُرُ سٍيٍ قَشَمَ نّ نِلِ شُرٍ دّ رَ.
مِشِ يٌ، شُرُ سٍ يٌ، سٍسٍ مُ لُ نَ يٍ دُندَ رَ.
14 ﭑ نَ يٍ رَشَرَ مَ نّ، عَ شّلّ عَلْ تُرٍ.
عِ مَرِفِ عَلَتَلَ شُي نَن نَ كِ.»
15 «ﭑ نَ مِسِرَ بْشِ قِندِ يِرٍ مَشَرَشِ رَ،
ﭑ نَ عَ هَرِفٍ بِرِن بَ نَا،
ﭑ نَ عَ شَ مِشِيٍ بِرِن قَشَ،
نَ تّمُي، عٍ عَ كٌلٌنمَ نّ عَ ﭑ تَن نَن نَ عٍ مَرِفِ عَلَتَلَ رَ.»
16 «سُننُن سُوكِ نَن نَ كِ، حَمَنّيٍ قَمَ نَشَن بَدٍ مِسِرَ نُن عَ شَ سْورِ فَلِيٍ بّ. وٌ مَرِفِ عَلَتَلَ شُي نَن نَ كِ.»
17 عَ حّ قُ نُن قِرِن ندٍ، كِكٍ قُ نُن قِرِن، شِ قُ نُن سُولِ ندٍ رَ، عَلَتَلَ نَشَ عَ مَسٍن ﭑ بّ، عَ نَشّ،
18 «عَدَ مَدِ، وَ شُي رَتٍ مِسِرَ شَ سْورِ فَلِيٍ نُن حَمَنّيٍ شَ قٍ رَ، نَشٍيٍ بِرِن سِفَمَ عَلِفِيَمَ.
19 عَ قَلَ عٍ بّ، ‹وٌ تَن شَ قٍ دَنفِ وٌ بٌورٍيٍ رَ؟ وٌ قَشَمَ نّ، وٌ نُن سُننَتَرٍيٍ رَفَتَ يِرٍ كٍرٍن.›
20 مِسِرَ نُن عَ شَ سْورِ فَلِيٍ قَشَمَ سَنتِدّفّمَ نَن سَابُي رَ.
21 عٍ حَمَنّ مَنفّ حَلَمَيٍ لِمَ نّ عَلِفِيَمَ، نَشٍيٍ عَ قَلَمَ مِسِرَ شَ قٍ رَ، ‹عٍ قَن بَرَ سِفَ عَلِفِيَمَ، عٍ قَ لُ سُننَتَرٍيٍ قّ مَ نَشٍيٍ مَن قَشَشِ سَنتِدّفّمَ رَ.›»
22 «عَسِرِيَ نُن عَ شَ سْورِ فَلِ بِرِن نَ مّننِ فَبُرِيٍ تَفِ، عَ شَ مِشِيٍ بِرِن نَشٍيٍ قَشَشِ سَنتِدّفّمَ رَ.
23 عَسِرِيَكَيٍ رَفَتَشِ عَلِفِيَمَ، عٍ شَ سْورِ فَلِيٍ سَشِ عٍ سّيتِ مَ، عٍ تَن نَشٍيٍ بِرِن فبَلٌي رَدِن دُنِحَ مَ عٍ شَ سَنتِدّفّمَ سَابُي رَ.»
24 «عٍلَمَ نُن عَ شَ سْورِ فَلِيٍ قَن نَ عٍ شَ فَبُرِيٍ سّيتِ مَ. عٍ قَن قَشَشِ سَنتِدّفّمَ نَن نَ، عٍ تَن نَشٍيٍ فبَلٌي رَدِن دُنِحَ مَ، عٍ قَن سَمَ نّ سُننَتَرٍيٍ سّيتِ مَ عَلِفِيَمَ، يَافِ نَ عٍ قْشْ رَ.
25 عَ تَن نُن عَ شَ سْورِ فَلِيٍ بِرِن سَشِ مِشِ قَشَشِيٍ يَ مَ مّننِ، عٍ فَبُرِيٍ عَ رَبِلِنشِ. نَ سُننَتَرٍيٍ بِرِن قَشَشِ سَنتِدّفّمَ نَن نَ. عٍ تٌ فبَلٌي رَدِن دُنِحَ مَ، عٍ قَن سِفَمَ نّ عَلِفِيَمَ يَافِ كُي، عٍ قَ لُ مِشِ قَشَشِيٍ يَ مَ.»
26 «مٍسٍكِ نُن تُبَلِ شَ سْورِ فَلِيٍ قَن نَ نَا فَبُرِيٍ كُي. نَ سُننَتَرٍيٍ بِرِن قَشَشِ سَنتِدّفّمَ نَن نَ، بَرِ مَ عٍ نُ فبَلٌي رَدِنمَ دُنِحَ مَ.
27 عٍ مُ سَشِ سْورِ سُننَتَرٍ فبّتّيٍ قّ مَ، نَشٍيٍ سِفَشِ عَلِفِيَمَ عٍ شَ فٍرٍ سٌسٍيٍ رَ، عٍ شَ سَنتِدّفّمَ سَشِ عٍ شُنيِ بُن مَ؟ عٍ شَ يُنُبِ سَرٍ بَرَ فبِلٍن عٍ شْرِيٍ مَ فبَلٌي شَ قٍ رَ، عٍ نَشَن نَبَشِ دُنِحَ مَ.»
28 «مِسِرَ مَنفّ قِرَوُنَ قَن بِرَ مَ نّ، عَ قَ سَ سُننَتَرٍيٍ يَ مَ نَشٍيٍ قَشَشِ سَنتِدّفّمَ رَ.»
29 «عٍدٌن شَ مَنفّيٍ نُن عَ شَ كُنتِفِيٍ قَن نَ نَا. هَلِ عٍ سّنبّ نُ فبٌ، يَكْسِ عٍ سَشِ سُننَتَرٍيٍ يَ مَ نَشٍيٍ قَشَشِ سَنتِدّفّمَ رَ.»
30 «مَنفّ نَشٍيٍ كٍلِشِ كْولَ مَبِرِ رَ، نُن سِدْنكَيٍ قَن نَ نَا. هَلِ عٍ سّنبّ نُ فبٌ، عٍ قَ فبَلٌي رَبَ دُنِحَ مَ، عٍ قَن سَشِ سُننَتَرٍيٍ يَ مَ نَشٍيٍ قَشَشِ سَنتِدّفّمَ رَ. نَ يَافِ نَ عٍ شُن مَ عَلِفِيَمَ.»
31 «مِسِرَ شَ قِرَوُنَ نُن عَ شَ سْورِ فَلِيٍ نٍيٍ تٌمَ نّ، عٍ قَ مَدُندُ عٍ شَ سْورِيٍ شَ قٍ رَ نَشٍيٍ قَشَشِ سَنتِدّفّمَ رَ. وٌ مَرِفِ عَلَتَلَ شُي نَن نَ كِ.
32 هَلِ ﭑ تٌ عَ لُ عَ فبَلٌي رَبَ دُنِحَ مَ، قِرَوُنَ نُن عَ شَ سْورِ فَلِيٍ سَمَ نّ سُننَتَرٍيٍ قّ مَ نَشٍيٍ قَشَشِ سَنتِدّفّمَ رَ. وٌ مَرِفِ عَلَتَلَ شُي نَن نَ كِ.»