53
شَشِلِتَرٍ شَ مَسٍنيِ
عَلَ شَ سّرِيّ
1 دَوُدَ شَ لْننِ بّيتِ بّيتِبَيٍ شَ مَنفّ بّ. عَ شَ بَ شُلٍ شُي رَ.
2 شَشِلِتَرٍ عَ قَلَمَ عَ بْحّ كُي، «عَلَ مُ نَ.»
عٍ قٍ هَرَ مُشِيٍ رَبَمَ، عٍ مُ تِنشِن.
مِشِ يٌ مُ نَ نَشَن قٍ قَنيِ رَبَمَ.
3 عَلَ عَ يَ رَفٌرٌ مَ عَدَ مَدِيٍ مَ كٍلِقٍ عَرِيَننَ،
عَ شَ عٍ مَتٌ شَ شَشِلِمَ ندٍ نَ نَ نَشَن عَلَ قٍنمَ.
4 كْنْ بِرِن بَرَ مَكُيَ عَلَ رَ، عٍ نُ قٍ حَاشِ رَبَ.
هَلِ مِشِ كٍرٍن مُ نَ نَشَن قٍ قَنيِ رَبَمَ.
5 تِنشِنتَرٍيٍ شَشِلِ مُ نَ؟
عٍ نُ ﭑ مَ حَمَ تْورْ تُن.
عٍ مُ عَلَ شِلِمَ قٍوٌ.
6 عٍ قَمَ سّرّندٍ فَاشُي رَ نَ نَن مَ،
بَرِ مَ عَلَ قَمَ نَ مِشِ مْولِيٍ رَيٍنسٍندٍ،
نَشٍيٍ وَ مَ وٌ تْورْقٍ.
7 ندٍ كٍلِمَ سِيٌن عَ شَ عِسِرَيِلَ رَكِسِ؟
عَلَ نَ عَ شَ حَمَ رَ مِنِ كٌنيِيَ كُي،
يَشُبَ بْنسْي سّيوَ مَ نّ، عِسِرَيِلَ حّلّشِنمَ نّ.