3
1
2
3
4
5
6
7
8
9
10
11
12 Giya Loi iŋa, “Thavala amba e yawayawalinji inanji Isirel ne thɨ tabo na mbinyembinyeŋgu na thɨ matabubu;
thiye gharɨgharɨ thavala ne thɨ vareminjeŋgo.
13 Gharɨgharɨ amba e laghalaghanji inanji Isirel tɨne mane thɨ vakatha the bigi i tharɨ;
mane thɨ utukwan o mane thɨ kwanɨyaroŋgi gharɨgharɨ e lenji utuutu.
Thiye ne thɨ ghanɨŋga na thɨ ghena wagiyawe,
kaiwae ma lolo regha ne i vakathaŋgi na thɨ mararu.”
14 Ghemi gharɨgharɨ thavala hu yayaku Jerusalem na ghembaghemba vavanava Isirel tɨne,
hu wothu na hu yaro laghɨye!
Hu warari weiye gharemina laghɨye,
15 kaiwae Giya Loi ne i ravagha vuyowo e ghemi,
na ne i variyeyathuŋgiya ghami thɨghɨyaŋgina!
Na Giya Loi ghamberegha Isirel lenji kiŋ ne i yaku weinda,
na ma tene hu mararuva lolo regha i vakowanainda.
16 E mbaŋako iyako ne thɨ dage weŋga Jerusalem, thɨŋa,
“Thava hu mararu, Saiyon.
Na thava hu njavovo na ghamɨnami i ghenenja na ma valɨkaiwae hu vakatha mun bigi regha.
17 kaiwae Giya Loi lemi Loi iye i yaku e ghami lughawoghawona.
Iye ragagaithɨ vurɨvurɨghegheniye, na ne i vamoruŋga.
Giya Loi ne i warari laghɨye kaiwami,
kaiwae i gharethovuŋga, mane i vakathaŋga na hu mararu;
ne i wothu laghɨye na i warari ghemi kaiwami.”
18 Giya Loi iŋa, “Ghemi gharɨgharɨ va hu numotharɨ na hu monjina
kaiwae mava valɨkaiwami hu vakatha lemi kururuna thaganiyeŋgi;
ko ne ya vakathaŋga na ma tene hu monjinava.”
19
20