3
Yohaana Mubati̱ji̱ naatebeja
(Matayo 3:1-12; Maliko 1:1-8; Yohaana 1:19-28)
1-2 Yohaana Mubati̱ji̱ mutabani̱ wa Jakaliya aatunga butumuwa bwa Luhanga obu aabaagha mu elungu hambali aakalagha. Oghu niighuwo ghwali ghuli mwaka ghwʼeku̱mi nʼetaano ghwa bu̱lemi̱ bwa Ti̱bbeli̱yo mukama wa Looma, obu Ponti̱yo Pilaato aabaagha alemi̱ye di̱si̱tu̱li̱ki̱ti̱ ya Bu̱yu̱daaya. Helude alemi̱ye di̱si̱tu̱li̱ki̱ti̱ ya Galilaaya. Fi̱li̱po waani̱nawee alemi̱ye di̱si̱tu̱li̱ki̱ti̱ ebili ya Etu̱li̱ya na Tulakoni̱ti̱. Lisaniya alemi̱ye di̱si̱tu̱li̱ki̱ti̱ yʼAbbileene. Bwile obu Anansi na Kayaafa niibo baabaagha bakulu baa bahongi̱.
3 Yohaana oghu aaghenda mu bi̱twi̱ke byona ebilabhaane na maasi Yolodaani̱, naanalangilila ati bantu beekuukemu kandi babati̱i̱ji̱buwe niikuwo Luhanga abaghanile bibhi byabo.
4 Mulangi̱ I̱saaya akahandiika ngu, “Muntu niibuwo aalangilila mu elungu ati, ‘Mweteekani̱li̱je kwisa kwa Mukama; mukole ebi abbali̱ye!
5 Mu̱semeli̱ye bwomi̱i̱li̱ bwanu, kandi muleke bintu byona ebibatwali̱li̱i̱je.
6 Ti̱ bantu boona bakubona oghu Luhanga akutuma kubajuna.’ ”
7 Biigambi̱ bya bantu byatandika kwisa ewaa Yohaana kubati̱i̱ji̱buwa. Niibuwo aabaghi̱li̱ye ati, “Enu̱we abali na bubhi nga bwa njoka, mu̱kweli̱li̱kana muti kubati̱i̱ji̱buwa kwonkaha kukuleka Luhanga atabafubila?
8 Hatiini mukole ebikwoleka ngoku mweku̱u̱ki̱yemu. Muleke kughila muti Luhanga taakubafubila haabwa kuba baasukulu baa Ebbulahi̱mu̱, nanga mbaghambiiye, Luhanga naabbali̱ye akugubha kuuhila Ebbulahi̱mu̱ baasukulu nankabha mu mabaale ghani!
9 Ti̱ nʼendindi Luhanga eeteekani̱i̱je kufubiilila kimui abakukolagha bintu bi̱bhi̱i̱hi̱ye. Ti̱ na bu̱li̱ kiti ekitaakwana bi̱ghu̱ma bisemeeye, bakukijomba na ndyankui, bakikube mu mulilo.”
10 Niibuwo bantu aba baabu̱u̱i̱ye Yohaana oghu bati, “Ti̱ tukole ki?”
11 Aabakuukamu ati, “Oghu ali na ngoye ebili, aahʼo oghu atali na luwo; nʼoghu ali na byokuliya, aahʼo oghu atali na biyo.”
12 Obu bakumaani̱ya baa musolo nabo baasi̱ye kubati̱i̱ji̱buwa, baamu̱bu̱u̱li̱ya bati, “Mwegheesi̱ya, ti̱, etu̱we tukole ki?”
13 Aabaghila ati, “Mutasasu̱li̱yagha bantu kusaali̱ya ebi mulaghiiwe.”
14 Baasilikale nabo baamu̱bu̱u̱li̱ya bati, “Ti̱ etu̱we tukole ki?” Aabaghila ati, “Mutahu̱ngaghʼo bantu bintu byabo kedha kubahabi̱i̱li̱li̱ya. Mwehi̱ghu̱waghe musaala ghwanu ghubamali̱ye.”
15 Ngoku bantu baali batandi̱ki̱ye kulindilila Ki̱li̱si̱to kwisa, baatandika kweli̱li̱kana bati kedha Yohaana niiye mukama oghu.
16 Bhaatu Yohaana aabaghila boona ati, “Si̱ye nkubabati̱jagha na maasi, bhaatu oghu akwisa andabhi̱ye tani̱hi̱ki̱ye na kuba mu̱heeleli̱ya wee, nanga ansaai̱ye bu̱toki̱. Eye akubabati̱ja na Mwoyo Ahi̱ki̱li̱i̱ye kandi na mulilo.
17 Eeteekani̱i̱je kukola bantu ngoku mu̱li̱mi̱ akweteekani̱jagha akwata kitalo kiye kweha mucele ghuwe kuuyamu bisunga. Oghusemeeye aghubiika mu nguli kandi bisunga abikuba mu mulilo ghutaaku̱li̱magha.”
18 Nahabweki Yohaana aakoleesi̱ya milingo ekani̱ye kutebeja bantu Makulu Ghasemeeye.
19 Aasoghosa Mukama Helude ati, “Waakoli̱ye kubhi kuswela Helu̱di̱ya mukaa wanjoko waawe Fi̱li̱po, kuni wanjoko waawe oghu anaakaaye.” Aamusoghosa dhee haabwa bintu binji bi̱bhi̱i̱hi̱ye bikani̱ye ebi aakolagha.
20 Niibuwo Helude aakoli̱ye kintu kibhiihiiye kimui kusaali̱ya byona ebi aali naakoli̱ye; aata Yohaana oghu mu nkomo.
Yesu naabati̱i̱ji̱buwa
(Matayo 3:13-17; Maliko 1:9-11)
21 Bhaatu batakakwete Yohaana oghu, aabati̱ja bantu bakani̱ye. Obu baanabati̱i̱ji̱buwagha, Yesu naye aabati̱i̱ji̱buwa. Naanasaba, eghulu lyaghulika,
22 Mwoyo Ahi̱ki̱li̱i̱ye aamu̱su̱ndʼo nga ki̱i̱bbi̱mbo. Elaka lyalu̱gha mu eghulu, ndighila liti, “Nuuwe Mwana wanje oghu nku̱ndi̱ye, oghu needheedheeu̱we.”
Baataata baa Yesu
(Matayo 1:1-17)
23 Obu Yesu aatandi̱ki̱ye kwegheesi̱ya, akaba ali na myaka nga maku̱mi̱ asatu ya bukulu. Bantu baateekelejagha bati ni mutabani̱ wa Yojeefu̱; Yojeefu̱ mutabani̱ wa Heeli̱,
24 Heeli̱ mutabani̱ wa Matati̱, Matati̱ mutabani̱ wa Leevi̱,
Leevi̱ mutabani̱ wa Meleeki̱, Meleeki̱ mutabani̱ wa Yanaai,
Yanaai mutabani̱ wa Yojeefu̱,
25 Yojeefu̱ mutabani̱ wa Matati̱ya, Matati̱ya mutabani̱ wa Amosi̱,
Amosi̱ mutabani̱ wa Nahu̱mu̱, Nahu̱mu̱ mutabani̱ wa Esi̱li̱,
Esi̱li̱ mutabani̱ wa Nagaai̱,
26 Nagaai̱ mutabani̱ wa Mahati̱, Mahati̱ mutabani̱ wa Matati̱ya,
Matati̱ya mutabani̱ wa Si̱meeni̱, Si̱meeni̱ mutabani̱ wa Yoseeki̱,
Yoseeki̱ mutabani̱ wa Yooda,
27 Yooda mutabani̱ wa Yohanaani̱, Yohanaani̱ mutabani̱ wa Leesa,
Leesa mutabani̱ wa Jelubbabbeeli̱, Jelubbabbeeli̱ mutabani̱ wa Salati̱yeeli̱,
Salati̱yeeli̱ mutabani̱ wa Neeli̱, Neeli̱ mutabani̱ wa Meleeki̱,
28 Meleeki̱ mutabani̱ wa Aadi̱, Aadi̱ mutabani̱ wa Kosaamu,
Kosaamu mutabani̱ wa Eli̱madaamu, Eli̱madaamu mutabani̱ wa Eela,
29 Eela mutabani̱ wa Yosuha, Yosuha mutabani̱ wa Eli̱yeeja,
Eli̱yeeja mutabani̱ wa Yoli̱i̱mu̱, Yoli̱i̱mu̱ mutabani̱ wa Matati̱,
Matati̱ mutabani̱ wa Leevi̱,
30 Leevi̱ mutabani̱ wa Si̱mi̱yooni̱, Si̱mi̱yooni̱ mutabani̱ wa Yu̱da,
Yu̱da mutabani̱ wa Yojeefu̱, Yojeefu̱ mutabani̱ wa Yonaamu,
Yonaamu mutabani̱ wa Eli̱yaki̱i̱mu̱,
31 Eli̱yaki̱i̱mu̱ mutabani̱ wa Meleeya, Meleeya mutabani̱ wa Meena,
Meena mutabani̱ wa Matata, Matata mutabani̱ wa Nasani̱,
Nasani̱ mutabani̱ wa Dhau̱dhi̱,
32 Dhau̱dhi̱ mutabani̱ wa Yese, Yese mutabani̱ wa Obbedi̱,
Obbedi̱ mutabani̱ wa Bbowaaji̱, Bbowaaji̱ mutabani̱ wa Salamooni̱,
Salamooni̱ mutabani̱ wa Naasoni̱,
33 Naasoni̱ mutabani̱ wa Aminadaabbu, Aminadaabbu mutabani̱ wa Adi̱mi̱i̱ni̱,
Adi̱mi̱i̱ni̱ mutabani̱ wa Alaani̱, Alaani̱ mutabani̱ wa Heji̱looni̱,
Heji̱looni̱ mutabani̱ wa Peleeji̱, Peleeji̱ mutabani̱ wa Yu̱da,
Yu̱da mutabani̱ wa Yakobbo,
34 Yakobbo mutabani̱ wa I̱saka, I̱saka mutabani̱ wa Ebbulahi̱mu̱,
Ebbulahi̱mu̱ mutabani̱ wa Teela, Teela mutabani̱ wa Nahu̱li̱,
35 Nahu̱li̱ mutabani̱ wa Selu̱gi̱, Selu̱gi̱ mutabani̱ wa Leewa,
Leewa mutabani̱ wa Peleegi̱, Peleegi̱ mutabani̱ wa Ebbeeli̱,
Ebbeeli̱ mutabani̱ wa Seela,
36 Seela mutabani̱ wa Kai̱naani̱, Kai̱naani̱ mutabani̱ wa Alifakaada,
Alifakaada mutabani̱ wa Seemu, Seemu mutabani̱ wa Nuha,
Nuha mutabani̱ wa Lameeki̱,
37 Lameeki̱ mutabani̱ wa Mu̱tu̱seela, Mu̱tu̱seela mutabani̱ wa Enoka,
Enoka mutabani̱ wa Yaledi̱, Yaledi̱ mutabani̱ wa Malaleeli̱,
Malaleeli̱ mutabani̱ wa Kai̱naani̱,
38 Kai̱naani̱ mutabani̱ wa Enosi̱, Enosi̱ mutabani̱ wa Seeji̱,
Seeji̱ mutabani̱ wa Adamu, Adamu mutabani̱ wa Luhanga.