☰ Dong 4
4
Hamangkhung hà misiasia
1 Ji è rekdang pha ji shii yoh dong ne hamangkhung pha habin hong pha doh.
Chiih-è goh yi thu-ung duiine, yoi, pha ibi shii gu shii yao, “Thawuii bo ichiih, chiih-è hìpha iidoh shii nyie rey ruii pha ji nathek riig yi pha ro.” 2  + Khthiie gu shii Luruak è phrai muii. Thiisa hamangkhung hà biang shii bran jia dug ne um. 3 Airo mizia yi khlieng nane kharnelian pha igong lubaothek duiine chuang pha doh, chiih-è biang shii ne zab shan ne chiigmakhuang ne igong lubao pha emerald duiine mia. 4 Biang shii ne gai ichiignawi biangthek de shan ne um, ji shii yi ichiignawi dukhothek imo guii ne san pha ragothek khak ne dug ne um. 5  +Biang è haliao khliingthek, bliakthek thog, ne hakhliing chiie. Biang pha ibi shii miley muchuangthek chuang pha ji hang ne um, nyie jine Hamangkhung-aphuii ro miley ragungthek ro. 6  ++ Biang pha ibi shii sasia pha khamuii duiine doh, jine sang khrysthal lubao duiine mia ro.
Biang pha zab ithua shii ne isieng miseypho wi ibi iidoh imieg um pha è cheg muii. 7 Igobi pha ji yi bargi duiine mia; din pha ji yi suwuiiphuii duiine mia; uomchiieng pha ji yi bran mizia duiine mizia um; chiih-è wichiieng pha ji yi biichiing khey pha duiine mia. 8  + Zab isieng miseyphothek wi ne jijia shii iyigthek riig um, chiih-è ithek ne iliing nane fuang shii zab imieg ley um ro. Inai nane habiu ithek ne athodang pha ibai bai:
“So, so, so, ne Ithong Hamangkhung-aphuii Bohblu ro,
hanyie ne umjong, hanyie ne um, hanyie yi wuiiramuii pha ji ro.”
9 Isieng wi ji è hanyie yi biang hà dug pha jia hanyie yi idang nane idang sieng pha ji shii, biisiie nane ilab chiih-è lasothek pha ibai bai muii ro. Ithek è rek mage shii, 10 ichiignawi dukhothek yi hanyie è biang shii dug muii pha moe shii chiih mage, chiih-è hanyie ne idang nane idang sieng pha aishii sia. Ithek è awaithek ro ragothek yi biang moe fen srane yao:
11 “Gathek ro Ithong nane Hamangkhung-aphuii! Nane biisiie,
ilab, nane blu ne mua spho chak ro.
Chiih-è nane zab pha manathek shii rab,
chiih-è na è yang pha ji è ithek shii ne rey ne sieng yi pha ne ithek shii phi.”
+ 4:2 4:2,3: Ezkh 1:26-28; 10:1 + 4:5 4:5: Mul 19:16; Dng 8:5; 11:19; 16:18; Ezkh 1:13; Dng 1:4; Zekh 4:2 + 4:6 4:6: Ezkh 1:22 + 4:6 4:6,7: Ezkh 1:5-10; 10:14 + 4:8 4:8: Ezkh 1:18; 10:12; Aij 6:2,3
☰