Tai Dam Ê‑ꞌphê‑ꞌsô 2

Chảu Pua ꞌPhạ ꞌmí công ꞌphún phớng ꞌdứa phủ ꞌcốn

1 ꞌMưa cón ꞌnặn, ꞌminh khuôn ꞌpi ꞌnọng ꞌcọ pên ꞌsướng tai ꞌlẹo ꞌpộ ꞌpi ꞌnọng pên ꞌcốn báp ꞌsội phít tó Chảu Pua#ꞌPhạ. 2 ꞌPi ꞌnọng ꞌkhới kin dú ꞌluống ꞌtáng báp ꞌsội ꞌtoi phái ꞌmướng#ꞌlum, ꞌphắng ꞌquám ꞌdệt ꞌtoi tô cốc phi ꞌhại phủ ꞌmí ꞌquiến téng đa dú cang#hao, ꞌcọ ꞌmen phi ꞌhại ꞌnặn ꞌpá ꞌtuốn uôn chaư ꞌpứng phủ báu#ꞌphắng ꞌquám Chảu Pua#ꞌPhạ. 3 ꞌMưa cón ꞌsúm ꞌháu phaư ꞌcọ kin dú ꞌsướng#sau, ꞌháu ꞌcọ đảy ꞌdệt ꞌnéo ꞌhại uối ꞌtoi chaư cáu chảu#ꞌmặc, báu#ꞌva ꞌmo ꞌkính ꞌhứ#ꞌva chaư#ngắm, ꞌtoi chaư cáu ꞌnặn ꞌcọ ꞌchọ Chảu Pua ꞌPhạ sáư ꞌsội ꞌsướng ꞌcốn ꞌtếng#lai.

4 Chảu Pua ꞌPhạ ꞌmí chaư quảng ín đu phớng ꞌdứa lưa#ꞌlộn, ꞌhặc ꞌsúm ꞌháu#lai. 5 ꞌMen#ꞌva ꞌminh khuôn ꞌsúm ꞌháu pên ꞌsướng tai ꞌlẹo ꞌpộ phít tó Chảu Pua#ꞌPhạ. Hák#ꞌva ꞌTan chảu hảư ꞌháu ꞌmí ꞌchua ꞌlới máư ꞌtoi Chảu ꞌGiê‑ꞌsu ꞌKha‑ꞌlịt. ꞌTan chảu ꞌmí công ꞌphún phớng ꞌdứa ꞌpi ꞌnọng chắng đảy ók khói sia báp#ꞌsội. 6 ꞌDọn#ꞌva ꞌsúm ꞌháu dú cuông ꞌhôm ꞌngáu Chảu ꞌGiê‑ꞌsu ꞌKha‑ꞌlịt, Chảu Pua ꞌPhạ chắng hảư ꞌháu ꞌcứn ꞌhéng ꞌmá ꞌnăng ꞌhuôm bón điêu Chảu ꞌKha‑ꞌlịt cá ꞌtếng#ꞌphạ. 7 ꞌChua ꞌlới ꞌpái#nả, Chảu Pua ꞌPhạ ꞌchí hảư ꞌhụ hên công ꞌphún nháư luông lưa#ꞌlộn, ăn ꞌTan chảu phớng ꞌdứa au ꞌsúm ꞌháu hảư dú cuông ꞌhôm ꞌngáu Chảu ꞌGiê‑ꞌsu ꞌKha‑ꞌlịt ꞌnặn. 8 Chảu Pua ꞌPhạ ꞌmí công ꞌphún phớng ꞌdứa ꞌpi ꞌnọng chắng đảy ók khói sia báp#ꞌsội, ꞌdọn ꞌmí chaư ꞌchưa Chảu ꞌGiê‑ꞌsu. Báu#ꞌmen ꞌpi ꞌnọng hák ꞌdệt au#đảy, ꞌmen Chảu Pua ꞌPhạ au hảư#ꞌló. 9 ꞌViạk ók khói sia báp ꞌsội báu#ꞌmen phủ ꞌcốn hák ꞌdệt đảy pay#pên, ꞌpưa báu#hảư phủ đaư ảng#đảy. 10 ꞌMen Chảu Pua ꞌPhạ hảư ꞌsúm ꞌháu ꞌmá pên ꞌcốn máư dú cuông ꞌhôm ꞌngáu Chảu ꞌGiê‑ꞌsu ꞌKha‑ꞌlịt, ꞌpưa hảư ꞌháu ꞌhụ ꞌdệt ꞌnéo đi Chảu Pua ꞌPhạ đảy ꞌkhặn ꞌkháng ꞌvạy cón ꞌlẹo hảư ꞌháu ꞌdệt#ꞌtoi.

Chảu ꞌKha‑ꞌlịt pên ꞌtáng hảư ꞌháu kin dú ꞌmen căn

11 Khỏi so cáo cắp ꞌpi ꞌnọng ꞌcốn táng ꞌphắn phủ báu#pên ꞌhọ ꞌháng ꞌcốn ꞌI‑ꞌsa‑ên, ꞌpứng ꞌcốn ꞌI‑ꞌsa‑ên phủ ꞌhiạk#ꞌva chảu đảy ꞌdệt ꞌhịt tắt mai nẳng ꞌmo ꞌkính ꞌtoi ꞌmứ phủ ꞌcốn#ꞌdệt, sau ꞌhiạk ꞌpi ꞌnọng pên phái báu#đảy ꞌtoi ꞌhịt tắt#mai. ꞌSướng ꞌnặn hảư ngắm#ꞌhọt, ꞌmưa cón ꞌnặn ꞌpi ꞌnọng pên ꞌcốn ꞌnéo#đaư. 12 Cuông ꞌchớ ꞌnặn ꞌpi ꞌnọng ꞌnhắng báu#ꞌhế ꞌhụ chắc Chảu ꞌKha‑ꞌlịt, báu#đảy pên dên ꞌpay ꞌcốn ꞌI‑ꞌsa‑ên. ꞌQuám nhẳn pao Chảu Pua ꞌPhạ chao ꞌhẹn ꞌvạy cắp ꞌcốn ꞌI‑ꞌsa‑ên té cón#ꞌnặn, ꞌpi ꞌnọng ꞌcọ báu#ꞌmí ꞌphớn nẳng ꞌquám chao#ꞌhẹn, báu#ꞌmí ꞌnéo mong#ꞌcóng. Pên ꞌcốn ꞌmướng ꞌlum#ꞌlạ, báu#ꞌhụ chắc Chảu Pua#ꞌPhạ. 13 ꞌChớ ꞌnặn ꞌpi ꞌnọng ꞌnhắng báu#ꞌhế ꞌhụ Chảu Pua#ꞌPhạ, hák ꞌkhạy ꞌnị ꞌpi ꞌnọng đảy dú cuông ꞌhôm ꞌngáu Chảu ꞌGiê‑ꞌsu ꞌKha‑ꞌlịt, ꞌdọn ꞌlượt ꞌTan chảu lay ók tháy au báp ꞌsội hảư ꞌpi ꞌnọng chắng đảy khảu ꞌmá ha Chảu Pua#ꞌPhạ. 14 Chảu ꞌKha‑ꞌlịt pên ꞌtáng hảư ꞌháu kin dú ꞌmen#căn, ꞌdệt hảư song phái ꞌsướng ꞌcốn ꞌI‑ꞌsa‑ên cắp ꞌcốn táng ꞌphắn khảu pên dên ꞌpay mốt#điêu. ꞌViạk khắt ꞌchắng căn pên ꞌsướng ꞌhụa cẳn ꞌvạy ꞌnặn ꞌTan chảu ꞌcọ đảy pé ók sia hảư song phái khảu ha#căn. 15 ꞌLuột Chảu Pua ꞌPhạ bók ꞌcốn ꞌI‑ꞌsa‑ên lai khót lai ꞌquám té pang ꞌchạu ꞌnặn ꞌcọ đảy ꞌlựp ꞌlạng ók sia mết ꞌdọn ꞌviạk Chảu ꞌKha‑ꞌlịt tai, ꞌpưa hảư song phái đảy dú cuông ꞌhôm ꞌngáu ꞌTan#chảu, pên ꞌcốn máư ꞌhuôm mốt điêu kin dú ꞌmen#căn. 16 Chảu ꞌKha‑ꞌlịt tai ꞌtếng ꞌmạy tháng#khen, ꞌdệt hảư ꞌtếng song phái ꞌmá ꞌmen cắp Chảu Pua ꞌPhạ#đảy, ꞌtếng song phái ꞌmá pên mốt#điêu, báu#đảy khắt ꞌchắng căn#ꞌlẹo. 17 Chảu ꞌKha‑ꞌlịt đảy ꞌlống ꞌmá páo kháo ꞌhung saư ꞌviạk kin dú ꞌmen cắp Chảu Pua ꞌPhạ hảư ꞌpi ꞌnọng phủ ꞌnhắng báu#ꞌhế ꞌhụ ꞌTan#chảu, ꞌtếng#cá ꞌcốn ꞌI‑ꞌsa‑ên phủ ꞌhụ chắc ꞌTan chảu#ꞌlẹo. 18 ꞌDọn Chảu ꞌKha‑ꞌlịt, ꞌháu song phái chắng đảy khảu ha Chảu Pua ꞌPhạ phủ pên ꞌPo ꞌhuôm Chảu Khuôn Saư phủ#điêu.

19 Pên ꞌsướng ꞌnặn ꞌpi ꞌnọng chắng báu#pên ꞌcốn ꞌtáng ꞌnọk#ꞌlẹo, ꞌkhạy đảy pên dên ꞌpay Chảu Pua ꞌPhạ mốt điêu ꞌlẹo cắp đảy pên ꞌcốn ꞌchúa ꞌhướn ꞌTan#chảu, 20 ꞌsướng ꞌpựn ꞌhướn đảy pu nẻn#na, ꞌmen ꞌpứng ꞌlam ꞌchạư páo kháo Chảu ꞌGiê‑ꞌsu kéng ꞌpứng ꞌlam páo ꞌquám Chảu Pua ꞌPhạ đảy pu#ꞌvạy. Chảu ꞌGiê‑ꞌsu ꞌKha‑ꞌlịt ꞌnặn lỏ#pên ꞌsướng tón đán mun sau#ꞌhẹk. 21 ꞌTan chảu ꞌdệt hảư ꞌpứng phủ ꞌchưa khảu ꞌhuôm pên mốt#điêu, mả ꞌpe#ók, tẳng pên ꞌsướng ꞌhướn vảy ꞌsớ Chảu Pua ꞌPhạ ꞌnặn#lo. 22 ꞌPi ꞌnọng dú cuông ꞌhôm ꞌngáu Chảu ꞌKha‑ꞌlịt ꞌcọ pên ꞌsướng#điêu. ꞌTan chảu ꞌhốm ꞌpi ꞌnọng khảu căn cắp ꞌpứng phủ ꞌchưa ꞌtếng#cá ꞌmá pên mốt ꞌcốn Chảu Pua ꞌPhạ hảư Chảu Khuôn Saư dú cắp ꞌnặp#pheng.