Tai Dam 1 Ti‑ꞌmô‑ꞌthiêu 3

Phủ bớng đu uôn ꞌpá ꞌsúm ꞌhốm

1 ꞌQuám ꞌnị ꞌmen ꞌtẹ đáng#ꞌchưa, ꞌmí phủ mong ꞌcóng đảy pên phủ bớng đu uôn ꞌpá ꞌsúm#ꞌhốm, phủ ꞌnặn pháư ꞌmón đảy ꞌdệt ꞌviạk#đi. 2 Phủ ꞌchí bớng đu uôn ꞌpá ꞌsúm ꞌhốm ꞌchọ pên ꞌcốn đi báu#ꞌmí ꞌnéo chê#đảy, hảư ꞌmí ꞌmía phủ#điêu, ꞌhụ kin dú sôm ꞌpớng sôm#ꞌpó, pên ꞌcốn ꞌhụ#ngắm, ꞌmí tắc#phép, ꞌmặc tỏn ꞌhặp khék khửn#ꞌlống, ꞌchang bók#son, 3 báu ꞌnghiến#lảu, báu#pút đảy nhay#ꞌchọng. Hảư ꞌmí chaư ón#van, báu#ꞌmặc phít khỏng tỏng#sương, báu#húp ꞌngớn#ꞌcắm. 4 Hảư ꞌhụ ꞌlăm đu ꞌhướn dảo đảy#đi, ꞌchang bók son ꞌlụk tảu hảư nể dăm ꞌphắng ꞌquám#chảu. 5 ꞌVa phủ đaư báu#ꞌhụ ꞌlăm đu ꞌchúa ꞌhướn#chảu, phủ ꞌnặn ꞌchí bớng đu uôn ꞌpá ꞌsúm ꞌhốm Chảu Pua ꞌPhạ ꞌsướng đaư#đảy. 6 ꞌNhá téng phủ ꞌchưa máư pên phủ bớng đu ꞌsúm#ꞌhốm, dản sau ꞌchí cảo nháư ꞌlẹo ꞌchí ꞌchọ ꞌtội ꞌsướng điêu tô cốc phi#ꞌhại. 7 Phủ bớng đu ꞌchọ pên phủ ꞌmí ꞌchư siêng đi nẳng ꞌpứng ꞌcốn báu#ꞌchưa, ꞌpưa báu#hảư phaư chê đu#ꞌngai, ꞌlẹo tốc khảu báng ꞌlứa tô cốc phi#ꞌhại.

Phủ ꞌchoi ꞌviạk ꞌsúm ꞌhốm

8 ꞌPứng phủ ꞌchí ꞌchoi ꞌviạk ꞌsúm ꞌhốm ꞌcọ pék#căn, hảư sôm đáng nể#dăm, báu#pák ꞌlặp ꞌlóng song#ꞌlịn, báu ꞌnghiến#lảu, báu#ꞌmí chaư ꞌcột kin#sáu. 9 Hảư pên ꞌcốn ꞌchưa mẳn ꞌquám ꞌlợc Chảu Pua ꞌPhạ hảư ꞌhụ#ꞌnặn, kin dú ꞌtoi chaư ꞌhụ#ꞌva ꞌdệt#ꞌmen. 10 ꞌChí ꞌlưạk phủ#đaư, hảư bớng ꞌluống kin dú phủ#ꞌnặn, ꞌva báu#ꞌmí ꞌluống chê chắng hảư pên phủ ꞌchoi ꞌviạk ꞌsúm ꞌhốm#đảy. 11 ꞌMía sau ꞌcọ pék#căn,* hảư sôm đáng nể#dăm, báu#ꞌmặc ꞌvạu uối#sáu, ꞌhụ kin dú sôm ꞌpớng sôm#ꞌpó, chaư ꞌsư ꞌchu#ꞌnéo. 12 ꞌPứng phủ ꞌchí ꞌchoi ꞌviạk ꞌsúm ꞌhốm ꞌchọ pên ꞌcốn ꞌmí ꞌmía phủ#điêu, ꞌhụ ꞌlăm đu ꞌlụk tảu ꞌhướn dảo#chảu. 13 ꞌPứng phủ ꞌchang ꞌdệt ꞌviạk ꞌsúm ꞌhốm đảy đi ꞌcọ ꞌchí đảy nả đảy#ta, ꞌlẹo sau ꞌcọ ꞌmí chaư ꞌchưa mẳn nẳng Chảu ꞌGiê‑ꞌsu ꞌKha‑ꞌlịt.

14 ꞌPo ꞌcóng é ꞌmá dam ꞌlụk ꞌvắn#ꞌvắn, hák#ꞌva đảy tẻm baư sư ꞌnị ꞌmá#cón, 15 lon ꞌpo ꞌnán ꞌmá#ꞌhọt, ꞌlụk bớng sư ꞌnị ꞌcọ ꞌchí ꞌhụ ꞌluống kin dú ꞌnéo đaư nẳng ꞌhướn Chảu Pua#ꞌPhạ. ꞌHướn ꞌnặn lỏ ꞌmen ꞌsúm ꞌhốm Chảu Pua ꞌPhạ phủ ꞌmí ꞌchua ꞌlới#dú. Mốt ꞌsúm ꞌhốm ꞌTan chảu pên lắc pên sau hảư ꞌluống ꞌtáng ꞌmen#ꞌtẹ. 16 Báu#ꞌmí phaư thiêng sia#đảy, ꞌquám ꞌlợc Chảu Pua ꞌPhạ pên nả ꞌviạk nháư luông#ꞌsướng:

Chảu ꞌKha‑ꞌlịt ꞌmá pên ꞌcốn hảư hên

Chảu Khuôn Saư hảư ꞌhụ ꞌTan pên phủ ꞌpẹk#saư

ꞌPứng tiên ꞌchạư ꞌmướng ꞌphạ ꞌcọ hên ꞌTan

ꞌMí ꞌcốn páo kháo hảư lai ꞌphắn ꞌcốn ꞌhụ

ꞌCốn phén đin ꞌmướng ꞌlum ꞌcọ ꞌchưa

Chảu Pua ꞌPhạ hảư ꞌTan khửn ꞌmứa ꞌmướng ꞌphạ bón ꞌhung#ꞌhướng.

* 3:11 ꞌSán ꞌcốn lỏ#ꞌva: Phủ ꞌnhính ꞌchoi ꞌviạk ꞌsúm ꞌhốm ꞌcọ pék#căn.