Η Καινή Διαθήκη ΠΕΤΡΟΥ Α 4

Good Stewards of God's Grace

1 Χριστοῦ οὖν παθόντος *ὑπὲρ ἡμῶν σαρκί, καὶ ὑμεῖς τὴν αὐτὴν ἔννοιαν ὁπλίσασθε· ὅτι ὁ παθὼν †ἐν σαρκί, πέπαυται ‡ἁμαρτίας· 2 εἰς τὸ μηκέτι ἀνθρώπων ἐπιθυμίαις, ἀλλὰ θελήματι §Θεοῦ τὸν ἐπίλοιπον ἐν σαρκὶ βιῶσαι χρόνον. 3 Ἀρκετὸς γὰρ *ἡμῖν ὁ παρεληλυθὼς χρόνος †τοῦ βίου τὸ θέλημα τῶν ἐθνῶν ‡κατεργάσασθαι, πεπορευμένους ἐν ἀσελγείαις, ἐπιθυμίαις, οἰνοφλυγίαις, κώμοις, πότοις, καὶ ἀθεμίτοις §εἰδωλολατρείαις· 4 ἐν ᾧ ξενίζονται, μὴ συντρεχόντων ὑμῶν εἰς τὴν αὐτὴν τῆς ἀσωτίας ἀνάχυσιν, βλασφημοῦντες· 5 οἳ ἀποδώσουσι λόγον τῷ ἑτοίμως *ἔχοντι κρῖναι ζῶντας καὶ νεκρούς. 6 Εἰς τοῦτο γὰρ καὶ νεκροῖς εὐηγγελίσθη, ἵνα κριθῶσι μὲν κατὰ ἀνθρώπους σαρκί, ζῶσι δὲ κατὰ Θεὸν πνεύματι.

7 Πάντων δὲ τὸ τέλος ἤγγικε· σωφρονήσατε οὖν καὶ νήψατε εἰς †τὰς προσευχάς· 8 πρὸ πάντων ‡δὲ τὴν εἰς ἑαυτοὺς ἀγάπην ἐκτενῆ ἔχοντες, ὅτι §ἀγάπη *καλύψει πλῆθος ἁμαρτιῶν· 9 φιλόξενοι εἰς ἀλλήλους ἄνευ †γογγυσμῶν· 10 ἕκαστος καθὼς ἔλαβε χάρισμα, εἰς ἑαυτοὺς αὐτὸ διακονοῦντες, ὡς καλοὶ οἰκονόμοι ποικίλης χάριτος Θεοῦ· 11 εἴ τις λαλεῖ, ὡς λόγια Θεοῦ· εἴ τις διακονεῖ, ὡς ἐξ ἰσχύος ‡ὡς χορηγεῖ ὁ Θεός· ἵνα ἐν πᾶσι δοξάζηται §ὁ Θεὸς διὰ Ἰησοῦ Χριστοῦ, ᾧ ἐστιν ἡ δόξα καὶ τὸ κράτος εἰς τοὺς αἰῶνας *τῶν αἰώνων. Ἀμήν.

Suffering as a Christian

12 Ἀγαπητοί, μὴ ξενίζεσθε τῇ ἐν ὑμῖν πυρώσει πρὸς πειρασμὸν ὑμῖν γινομένῃ, ὡς ξένου ὑμῖν συμβαίνοντος· 13 ἀλλὰ καθὸ κοινωνεῖτε τοῖς τοῦ Χριστοῦ παθήμασι, χαίρετε, ἵνα καὶ ἐν τῇ ἀποκαλύψει τῆς δόξης αὐτοῦ χαρῆτε ἀγαλλιώμενοι. 14 Εἰ ὀνειδίζεσθε ἐν ὀνόματι Χριστοῦ, μακάριοι· ὅτι τὸ τῆς δόξης †καὶ τὸ τοῦ Θεοῦ πνεῦμα ἐφ᾽ ὑμᾶς ‡ἀναπαύεται· §κατὰ μὲν αὐτοὺς βλασφημεῖται, κατὰ δὲ ὑμᾶς δοξάζεται. 15 Μὴ γάρ τις ὑμῶν πασχέτω ὡς φονεύς, ἢ κλέπτης, ἢ κακοποιός, ἢ ὡς *ἀλλοτριοεπίσκοπος· 16 εἰ δὲ ὡς Χριστιανός, μὴ αἰσχυνέσθω, δοξαζέτω δὲ τὸν Θεὸν ἐν τῷ †μέρει τούτῳ. 17 Ὅτι ὁ καιρὸς τοῦ ἄρξασθαι τὸ κρίμα ἀπὸ τοῦ οἴκου τοῦ Θεοῦ· εἰ δὲ πρῶτον ἀφ᾽ ἡμῶν, τί τὸ τέλος τῶν ἀπειθούντων τῷ τοῦ Θεοῦ εὐαγγελίῳ; 18 Καὶ

εἰ ὁ δίκαιος μόλις σῴζεται,

‡ὁ ἀσεβὴς καὶ ἁμαρτωλὸς ποῦ φανεῖται;

19 Ὥστε καὶ οἱ πάσχοντες κατὰ τὸ θέλημα τοῦ Θεοῦ, §ὡς πιστῷ κτίστῃ παρατιθέσθωσαν τὰς ψυχὰς *αὐτῶν ἐν ἀγαθοποιΐᾳ.

* 4:1 υπερ ημων 83% ¦ υπερ υμων MSS 6.3% ¦ — CT 2.8% † 4:1 εν ¦ — CT PCK ‡ 4:1 αμαρτιας ¦ αμαρτιαις WH § 4:2 θεου ¦ του θεου PCK * 4:3 ημιν 47% ¦ υμιν ANT HF RPmg PCK 41.5% ¦ — CT 11.2% † 4:3 του βιου το θελημα ¦ το θελημα PCK ¦ το βουλημα CT ‡ 4:3 κατεργασασθαι ¦ κατειργασθαι CT § 4:3 ειδωλολατρειαις ¦ ειδωλολατριαις ECM NA PCK SBL WH * 4:5 εχοντι κριναι ¦ κρινοντι WH † 4:7 τας ¦ — CT ‡ 4:8 δε ¦ — CT § 4:8 αγαπη ¦ η αγαπη ANT PCK SCR * 4:8 καλυψει ¦ καλυπτει CT PCK † 4:9 γογγυσμων ¦ γογγυσμου CT ‡ 4:11 ως ¦ ης CT TR § 4:11 ο ¦ — PCK * 4:11 των αιωνων ¦ — ECM† PCK † 4:14 και το 71.5% ¦ και δυναμεως και το ANT 15.7% ¦ και δυναμεως MSS 6.6% ‡ 4:14 αναπαυεται ¦ αναπεπαυται PCK § 4:14 κατα μεν αυτους βλασφημειται κατα δε υμας δοξαζεται ¦ — CT * 4:15 αλλοτριοεπισκοπος ¦ αλλοτριεπισκοπος CT † 4:16 μερει ¦ ονοματι NA27 SBL TH WH ‡ 4:18 ο ¦ ο δε WH § 4:19 ως ¦ — CT * 4:19 αυτων ¦ εαυτων TR ¦ — WH