JOHN-NA
I-ba Anisuba Chithi
Wahoudok
Anisuba John-na i-ba chithi asi Pakhonchatpa John-na Christtana poklaba matung chahi 50 dagi 100 phaobagi manungda i-bani. John masanadi mahakna i-bani haijade adubu ahal lammani haina mahakna masabu haijei. 2 John-da yaoriba machaksing asi John-na i-ba Aphaba paoda yaoriba aduga yamna naknana chatli. Maru oina manariba asi Jisuna henna kanna haiba wahei haibadi eikhoi amaga amaga nungsinagadabani haiba amadi Jisubu nungsiba haibasi mahakki yathang inbaga manahanba asini (1:5-6, John 15:9-10). John-na i-ba Aphaba Pao amadi chithi ahum haibadi 1 John, 2 John amasung 3 John hairibasing asi John-na Ephesus-ta leiringeida i-bani.
John-na chithi asi khandokpiraba nupi amadi nupi adugi machasing adu panduna i-ri. Mahakna hairiba nupi asi singlup amabu oiramba yai. Chithi asi singluppu thougatnaba amadi aranba tambiba ojasinggi maramda cheksin wa oina i-bani.
Yaopham Takpa
1. John-na chithi asi kanada i-bano takpa amadi chithi phanggadabasing adu khurumjaraga houdok-i (1:1-3)
2. Mathangda mahakna singluppu pukning thougatli amadi khwaidagi chaoba yathang adubu makhoida ningsinghalli (1:4-6)
3. Lanna tambiba ojasingda cheksin wa haiba (1:7-11)
4. John-na leiriba singlup adugi thajabasingna khurumjarakpa adubu makhoida tamlaga mahakna chithi asi loisilli (1:12-13)
1
1 Ahan laman ama oiraba eingondagini---
Eina achumbada nungsijaba amadi Tengban Mapuna khandokpiraba ibemma amasung mahakki machasinggi maphamdani. Eita nattaduna achumba adubu khangba mi pumnamaknasu nakhoibu nungsijei,
2 eikhoida leiba amasung eikhoiga matam pumnamakta leiminnagadaba achumba adugi maramdani.
3 Ipa Ibungo Tengban Mapudagi amasung Ipa adugi Machanupa Jisu Christtadagi thoujal, chanbiba amasung ingthaba adu achumba amasung nungsibada eikhoida loinabiba oisanu.
Achumba amasung nungsiba
4 Ipadagi eikhoina yathang phanglabagumna, nahakki nachasinggi marakta kharana achumbada chatli haiba tabada eibu yamna haraohalli.
5 Ibemma, houjik eina nangonda anouba yathang ama i-ba natte adubu eikhoina ahoubadagi eikhoina taraba aduni. Eikhoi amaga amaga nungsinanaba eina nonjari.
6 Eikhoina mahakki yathangsing inna chatpa haibasi nungsibani. Nakhoina ahoubadagi tarabagumna mahakki yathangdi nakhoina nungsibada chatpa aduni.
7 Jisu Christtana hakchang oina lakle haiba yadaba minamba kaya ama taibangpanda thokkhre, maram asina eina masi haibani. Adugumba misak adudi minamba amasung Christtabu Yeknaba aduni.
8 Eikhoina nomjakhiba adu manghandaba, adubu nakhoina mapung phana mana phangnaba nakhoi cheksillu.
9 Kanagumbana Christtagi tambiba adudagi leithokpa amadi tambiba aduda lengdana leitaba mahak aduna Tengban Mapubu phangde; tambiba aduda lengdana leiba mahak aduna Mapa amasung Machanupa animak phangle.
10 Kanagumbana nakhoida laklaga tambiba asi puraktrabadi, mahakpu nayumda lousin-ganu amasung taram taramna touganu. “Nangonda ingthaba oisanu” haiba phaoba haiganu.
11 Kanagumbana makhoibu taram taramna oklabadi mahakna makhoigi phattaba thabak aduda mahaksu yaorabani.
Aroiba wa
12 Eina nakhoida igadaba yamna leiri adubu eina che amasung mukna i-ba pamdre. Madugi mahutta eikhoigi haraoba mapung phanaba eina nakhoigi nanakta laktuna nakhoiga maiga maiga unaduna wari sananabagi asa touri.
13 Tengban Mapuna khandokpirabi nahakki nanaonupigi machasingna nahakpu khurumjei.