JOHN-NA
I-ba Ahumsuba Chithi
Wahoudok
Ahumsuba John hairiba chithi asi Christtana poklaba matung chahi 50 dagi 100 phaobagi manungda Pakhonchatpa John-na i-bani. John-na chithi asi mahak masana i-bani haiba takte adubu ahal laman haina masabu masak takchei (1:1). Masimak mahakna 2 John-dasu (1:1) hairi. John-na i-ba Aphaba Pao amadi chithi ahum haibadi 1 John, 2 John amasung 3 John hairibasing asi mahakna Ephesus-ta leiringeida i-bani haina thajanei.
Chithi asi Gaius kouba thajaba misak aduda John-na i-bani. Mahakna Gaius-pu mahakki marup haina kouri aduga Christian ichin inaosingna mapham adu phaoduna chatpa matamda mahakki yumda makhoibu taram taram oktuna leihannaba mahakna mangonda paotak pi.
Yaopham Takpa
1. John-na chithi asigi wahoudok piba (1:1)
2. Christain ichin inaosingbu taram taram oktuna yumda thambinaba John-na Gaius-pu thougatpiduna paotak piba (1:2-8)
3. Diotrephes amasung Demotrius kouba mioi anigi maramda mahakna haiba (1:9-12)
4. Mahakna chithi asi loisinba (1:13-15)
1
1 Ahan oiraba eingondagi,
Eina achumbada nungsiba, eigi achanba Gaius-ki maphamda ijari.
2 Achanba, nahakki thawaina chaokhatpagum, nahakna hakchang phaba, maram pumnamakta chaokhattuna nahakna nungaina leinaba eina haijei.
3 Thajaba ichil inao kharana laktuna nahakna achumba aduda thajaba yana hingba amasung nahakna maduda chatli haina eingonda sakhi pibada, eina yamna harao-i.
4 Eigi ichasingna achumbada chatli haiba taba asidagi henna haraoba eigi leitre.
Gaius-pu thagatpa
5 Achanbasa, nachin nanaosing adu nangondadi makhoi lamlanbasing oirabasu nahakna toubiriba adu thawai yaona toubi.
6 Nahakki nungsibiba adugi maramda makhoina singluptasu tamle. Tengban Mapubu pelhanba mawongda makhoigi khongchatpu makhatanaba makhoibu mateng pangbiyu.
7 Maramdi Christtagi thougalgidamak thajadaba misingdagi mateng amata loudana makhoina makhoigi khongchat adu chatpa houkhibani.
8 Achumbagidamak makhoina suriba thabak aduda eikhoisu saruk yajanaba, eikhoina Christian ama oina makhoibu mateng pangpham thok-i.
Diotrephes amasung Demetrius
9 Eina singlupta samlappa wa ikhre, adubu makhoigi makok oiningba Diotrephes-na eina haiba wa taroi.
10 Maram aduna eina lakpa matamdadi, mahakna touriba thabaksing amadi eikhoigi maramda sandokliba kanadaba athiba wasing adugi maramda eina ningsinggani. Madunasu pendraduna ichin inaosingbu mahakna lousinde. Makhoibu lousinningba mising adubusu mahakna thing-i amasung makhoibu singluptagi tanthok-i.
11 Achanbasa, phattabagi matou tamganu, adubu aphabagi matou tammu. Aphaba touriba mahak adu Tengban Mapugini. Phattaba touriba mahak aduna Tengban Mapubu udri.
12 Mi khudingmakna Demetrius-ki maramda phajana ngangnei; achumba adumakna mahakki maramda phajana ngang-i. Aduga eikhoinasu mahakki maramda phajana ngangli amasung eikhoina piba sakhidi achumbani haiba nahakna khang-i.
Aroiba khurumjaba
13 Eina nangonda igadaba yamna leiri adubu eina muk amasung khorjeina i-ba pamdre.
14 Eina nahakka thuna unagani haina asa toujari aduga eikhoiga maiga maiga unaduna wari sanagani.
15 Nangonda ingthaba leisanu.
Nahakki marupsingna khurumjari. Mapham aduda leiba marupsinggi maming panduna khurumjari haina tambiyu.