Sam
Waeuwa uawa
Mapoido apana daitada uara sasa ita raupari buka ema bedewe girumamoiena. Israel apanawa sasa ita raupari ema mampe wadaposintoie. Sasa ita raupari intawa daitada mape winei. Isiwa God sauwa euda osouwo iedia baiwa wadaposisaie ita auwasaie. Isiwa me saumompe oniamompa baiwa ita do kadiu insadabuamompa iririwa. Tane sasa isiwa bedewe mo warereu baiwa rauparintoie God iririsaia mo emalawoau nanaumopie aimopi. Tane isiwa bedewe buka ema girumalena apanawa poka etedia momoduwa ita do nuapareparewa umanawa girumalen. Ita do Iesu gagaloleidie aia isiwa sasa ita raupari ema bedewe wineia do wamodie, tane ekelesia ualena walamawe, God apanawa do epe wadaposintoie.
Sam sonabala
Sam 1; 23; 27; 34; 51; 67; 90; 95.1-11; 100; 103; 110; 119.9-16; 121 ita 139
1
Nuaeu ulaipaida mampe
1 Nuaeu debama me mampe mida mai
kadi dewalala do warorontoipona ba aiau eteipe ruawaleipona;
ba kadi dewalala ita do mo mida God wasiwa waia,
bedeuwoleipe do deantoipona,
2 tane me Iawe God anaanawa nuawadawadasadie,
tadina ita walama God aiawa wisialeidie insaisaleidie wandia.
3 Apana sa ia maneu tampe inintoie,
ita ipau walamau osowe naumoidewantoia rua
ita do asiu mai rorontoipe nonosintoipona
tane dima uduudu mo dewasaia ipa ipuipua segaleide.
4 Tane apana kadi dewalala mampo mai epe segaleipona!
Mo ina tonapa rua lanunu wisedie suaubamode.
5 Sa baiwa mo mai Iawe God kotuwa saiepue inantopu,
ita me apanawaida do mai deantopu, dia.
6 Iawe God dewa dodomana dewasaia apanawa os ewamodie saumode,
tane kadi dewalala bo intawa asiasi antoi.